അഗാസിയെ തോല്പിച്ച് റാഫ്റ്റര് ഫൈനലില്
ലണ്ടന്: രണ്ടാം സീഡ് അമേരിക്കയുടെ ആന്ദ്രെ അഗാസിയെ തോല്പിച്ച് കഴിഞ്ഞ തവണത്തെ റണ്ണറപ്പ് മൂന്നാം സീഡ് ആസ്ത്രേലിയയുടെ പാട്രിക് റാഫ്റ്റര് വിംബിള്ഡണ് പുരുഷവിഭാഗം സിംഗിള്സിന്റെ ഫൈനലില് കടന്നു.
ജൂലായ് ആറ് വെള്ളിയാഴ്ച സെന്റര് കോര്ട്ടില് നടന്ന മുന്നു മണിക്കൂറോളം നീണ്ട ആവേശകരമായ പോരാട്ടത്തിനൊടുവിലാണ് 1992ലെ ചാമ്പ്യനെ റാഫ്റ്റര് അടിയറവ് പറയിച്ചത്. സ്കോര്: 2-6, 6-3, 3-6, 6-2, 8-6.
ആദ്യസെറ്റ് 2-6ന് നേടിയ അഗാസിക്കെതിരെ രണ്ടാം സെറ്റ് 6-3ന് നേടിക്കൊണ്ട് റാഫ്റ്റര് അതേ നാണയത്തില് തിരിച്ചടിച്ചു. മൂന്നാം സെറ്റ് 6-3ന് നേടിയ അഗാസി തിരിച്ചുവന്നു. എന്നാല് നാലാം സെറ്റ് 6-2ന് നേടിയ റാഫ്റ്റര് മത്സരം അഞ്ചാം സെറ്റിലേക്ക് നീട്ടി.
അഞ്ചാം സെറ്റില് ഇരുവരും വിട്ടുകൊടുക്കാന് തയ്യാറല്ലായിരുന്നു. ഓരോ തവണ സെര്വുകള് ഭേദിച്ച് ഇരുവരും തുല്യനിലയില് മുന്നേറി. സ്കോര് 6-6ല് നില്ക്കെ റാഫ്റ്റര് സെര്വ് നിലനിര്ത്തിക്കൊണ്ട് 7-6ലെത്തി. 14ാമത്തെ ഗെയിമില് സെര്വ് ചെയ്ത അഗാസിക്ക് പക്ഷെ പിഴച്ചു. അഗാസിയുടെ പിഴവുകള് മുതലെടുത്ത റാഫ്റ്റര് സെര്വ് ഭേദിച്ചുകൊണ്ട് സെറ്റും മാച്ചും സ്വന്തമാക്കി.
ജൂലായ്
എട്ട്
ഞായറാഴ്ച
നടക്കുന്ന
ഫൈനലില്
ടിം
ഹെന്മാന്-ഗൊരാന്
ഇവാനിസെവിച്ച്
മത്സരത്തിലെ
വിജയിയെയാണ്
റാഫ്റ്റര്
നേരിടുക.