ആംഗ്ലോ ഇന്ത്യന് അംഗമായി വനിത വേണം
കൊച്ചി: നിയമസഭയിലെ ആംഗ്ലോ ഇന്ത്യന് അംഗമായി ഒരു വനിതയെ നാമനിര്ദ്ദേശം ചെയ്യണമെന്ന് അഖില കേരളാ ആംഗ്ലോ ഇന്ത്യന് സംഘടന മുഖ്യമന്ത്രി എ.കെ. ആന്റണിയോട് ആവശ്യപ്പെട്ടു.
സംഘടനയുടെ വൈസ് പ്രസിഡന്റ് ഗില്ബര്ട്ട് വാസും ജനറല് സെക്രട്ടറി സ്റാന്ലി ഗോണ്സാല്വസും ആണ് ഈ ആവശ്യം ഉന്നയിച്ചത്. ഇതിനായി ഒരു സ്ത്രീ ഉള്പ്പടെ മൂന്നുപേരുടെ പട്ടിക നല്കിയിട്ടുണ്ടെന്നും അവര് പറഞ്ഞു. ഡെല്നാ മേരി ഡിക്കോസ്റയെ ആണ് സംഘടന നിര്ദ്ദേശിക്കുന്നത്. ഇതുവരെ ഒരു സ്ത്രീ ആംഗ്ലോ ഇന്ത്യാക്കാരെ നിയമസഭയില് പ്രതിനിധീകരിച്ചിട്ടില്ലാത്തതുകൊണ്ടാണ് ഈ നിര്ദ്ദേശം ഉന്നയിക്കുന്നത്.
എന്ജിനിയറിങ്ങ് -മെഡിക്കല് സീറ്റുകളില് കൂടുതല് സംവരണവും തൊഴില് സംവരണവും വേണമെന്ന് സംഘടന ആവശ്യപ്പെട്ടു.
Click it and Unblock the Notifications
Sign in with Google