കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ഡിസിസികളും പുന:സംഘടിപ്പിക്കും

  • By Staff
Google Oneindia Malayalam News

തിരുവനന്തപുരം: കെപിസിസിക്കൊപ്പം ഡിസിസികളും പുന:സംഘടിപ്പിക്കാന്‍ ആലോചനയുണ്ടെന്ന് കെപിസിസി പ്രസിഡന്റ് കെ.മുരളീധരന്‍ പറഞ്ഞു.

സംസ്ഥാന നേതാക്കളുമായി ഹൈക്കമാന്റ് ആഗസ്ത് ആദ്യവാരത്തില്‍ പുന:സംഘടന സംബന്ധിച്ച് ചര്‍ച്ച നടത്തും. മുഖ്യമന്ത്രി എ.കെ.ആന്റണി ആഗസ്ത് അഞ്ച് മുതല്‍ ദില്ലിയിലുണ്ടാവും.

മൂന്ന് കെപിസിസി പ്രസിഡണ്ടുമാര്‍ മന്ത്രിമാരായ നിലക്ക് ആ ജില്ലകളിലെ കെപിസിസികള്‍ പുന:സംഘടിപ്പിക്കേണ്ടതുണ്ട്. കെ. സുധാകരന്‍ പ്രസിഡണ്ടായ കണ്ണൂരിലെയും പി.ശങ്കരന്‍ പ്രസിഡണ്ടായ കോഴിക്കോട്ടേയും കെ.വി.തോമസ് പ്രസിഡണ്ടായ എറണാകുളത്തെയും പിസിസികളാണ് ഉടന്‍ പുന:സംഘടിപ്പിക്കേണ്ടത്. പക്ഷേ മൂന്ന് ജില്ലകളിലെ പിസിസികള്‍ മാത്രം പുന:സംഘടിപ്പിക്കുന്നത് ശരിയല്ല എന്ന വാദം ഉയര്‍ന്നതിന്റെ അടിസ്ഥാനത്തിലാണ് എല്ലാ പിസിസികളും പുന:സംഘടിപ്പിക്കാന്‍ നീക്കം നടക്കുന്നത്.

എട്ട് ജില്ലകളിലും ഇപ്പോള്‍ കരുണാകര പക്ഷക്കാരാണ് ഡിസിസി പ്രസിഡന്റുമാര്‍. നാല് ജില്ലകളില്‍ മാത്രമാണ് എ ഗ്രൂപ്പുകാര്‍ ഡിസിസി പ്രസിഡന്റായിരിക്കുന്നത്. കണ്ണൂരില്‍ നാലാം ഗ്രൂപ്പ് നേതാവായ സുധാകരനും പാലക്കാട് മൂന്നാം ഗ്രൂപ്പ് നേതാവായ വി.എസ്.വിജയരാഘവനുമാണ് പ്രസിഡന്റ്. എല്ലാ ഗ്രൂപ്പുകള്‍ക്കും ഇപ്പോഴുള്ളതു പോലെ പ്രാതിനിധ്യം ലഭിക്കണമെന്നില്ല. അതുകൊണ്ടുതന്നെ പുന:സംഘടന എളുപ്പമാവാനുമിടയില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X