എലിപ്പനി: ആലപ്പുഴയില്‍ ഒരാള്‍ കൂടി മരിച്ചു

കോട്ടയം: എലിപ്പനി മൂലം ആലപ്പുഴയില്‍ ഒരു സ്ത്രീ മരിച്ചു. മല്ലാശ്ശേരിയിലെ ലീലാമ്മ (39)യാണ് ജൂലായ് 26 വ്യാഴാഴ്ച കോട്ടയം മെഡിക്കല്‍ കോളേജില്‍ എലിപ്പനി മൂലം മരിച്ചത്. ഇതോടെ സംസ്ഥാനത്ത് ഈ വര്‍ഷം എലിപ്പനി ബാധിച്ച് മരിച്ചവരുടെ എണ്ണം 27 ആയി ഉയര്‍ന്നു.

കോട്ടയം മെഡിക്കല്‍ കോളേജില്‍ ഇപ്പോള്‍ 16 പേര്‍ എലിപ്പനി ബാധിച്ച് ചികിത്സയിലാണ്. 20 പേരെ ഇതിനകം തന്നെ ചികിത്സ നല്‍കി ഡിസ്ചാര്‍ജ് ചെയ്തിട്ടുണ്ടെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.