ഓണത്തിന് ഒന്നര കിലോ പഞ്ചസാര

തിരുവനന്തപുരം: ഓണാഘോഷത്തോട് അനുബന്ധിച്ച് എല്ലാ കാര്‍ഡുടമകള്‍ക്കും ഒന്നര കിലോ പഞ്ചസാര അധികം നല്‍കുമെന്ന് ഭക്ഷ്യ-സിവില്‍ സപ്ലൈസ് മന്ത്രി ജി.കാര്‍ത്തികേയന്‍ അറിയിച്ചു.

ഇതിനായി 5000 ടണ്‍ പഞ്ചസാര കേന്ദ്രം അനുവദിച്ചിട്ടുണ്ട്. സംസ്ഥാനത്തിന്റെ വിവിധ ഭാഗങ്ങളിലായി 63 ഓണച്ചന്തകള്‍ തുടങ്ങും. ഇതിനു പുറമെ എല്ലാ ജില്ലാ ആസ്ഥനങ്ങളിലും ജില്ലാ മേളകള്‍ നടക്കും. സഹകരണ വകുപ്പ് എല്ലാ പഞ്ചായത്തുകളിലും ഓണച്ചന്തകള്‍ തുടങ്ങും. 50 മാവേലി സ്റോറുകള്‍ കൂടി തുടങ്ങാന്‍ സിവില്‍ സപ്ലൈസ് കോര്‍പ്പറേഷന് ആലോചനയുണ്ട്.

ഓണത്തിന് മുമ്പായി സാംസ്കാരിക സ്ഥാപനങ്ങള്‍ പുന:സംഘടിപ്പിക്കും. ചെയര്‍മാന്‍മാരെ നിയമിക്കുന്നത് യാതൊരു രാഷ്ട്രീയപരിഗനണയുമില്ലാതെ ആയിരിക്കുമെന്ന് കാര്‍ത്തികേയന്‍ പറഞ്ഞു.

ദേവസ്വം ബോഡുകളുടെ പ്രവര്‍ത്തനത്തില്‍ ഇടപെടില്ലെങ്കിലും അവയുടെ പ്രവര്‍ത്തനത്തില്‍ സര്‍ക്കാരിന് ഒരു കണ്ണുണ്ടായിരിക്കുമെന്ന് ദേവസ്വം മന്ത്രി കൂടിയായ കാര്‍ത്തികേയന്‍ പറഞ്ഞു.