കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ദോദ കൂട്ടക്കൊലയ്ക്കു പിന്നിലെ തീവ്രവാദിയെ കൊന്നു

  • By Staff
Google Oneindia Malayalam News

ദില്ലി: കശ്മീരിലെ ദോദോ ജില്ലയിലെ 13 ഗ്രാമീണരെ തട്ടിക്കൊണ്ടുപോയി കൊലപ്പെടുത്തിയ ലഷ്കര്‍-ഇ-തോയ്ബ നേതാവിനെ ജമ്മു പൊലീസ് കൊന്നു. ജമ്മു-ഹിമാചല്‍ അതിര്‍ത്തിയില്‍ നടന്ന പോരാട്ടത്തിലാണ് തീവ്രവാദി അബു ഗുലാം കൊല്ലപ്പട്ടെത്.

പോരാട്ടത്തിനു ശേഷം ഒട്ടേറെ ആയുധങ്ങളും രേഖകളും കണ്ടെടുത്തിട്ടുണ്ടെന്ന് ഡിജിപി എ.കെ. സൂരി അറിയിച്ചു.

അതിനിടെ കൂട്ടക്കൊല നടന്ന സ്ഥലം സന്ദര്‍ശിച്ച കേന്ദ്ര ആഭ്യന്തര സഹമന്ത്രി ഐ.ഡി. സ്വാമി കേന്ദ്രസര്‍ക്കാരിന് ആഗസ്ത് ഏഴ് ചൊവാഴ്ച റിപ്പോര്‍ട്ട് സമര്‍പ്പിച്ചേക്കും. ആഭ്യന്തര മന്ത്രി എല്‍.കെ. അദ്വാനിക്കാണ് അദ്ദേഹം റിപ്പോര്‍ട്ട് നല്കുക. മേഖലയിലെ ജനങ്ങളുടെ സുരക്ഷാസംവിധാനം ശക്തമാക്കുന്നതിനും തീവ്രവാദ പ്രവര്‍ത്തനം തടയുന്നതിനും അദ്ദേഹം ചില നിര്‍ദ്ദേശങ്ങളും മുന്നോട്ടുവക്കുമെന്ന് കരുതുന്നു.

തിങ്കളാഴ്ച ദോദയിലെത്തിയ സ്വാമി കൂട്ടക്കൊലയ്ക്കിരയായവരുടെ കുടുംബങ്ങള്‍ സന്ദര്‍ശിക്കുകയും കൂടുതല്‍ സുരക്ഷാസംവിധാനം വാഗ്ദാനം ചെയ്യുകയും ചെയ്തു. ജില്ലയിലെ കിഷ്ട്വാര്‍, ഭാദേര്‍വ നഗരങ്ങളില്‍ ഇപ്പോഴും കര്‍ഫ്യൂ തുടരുകയാണ്.

അതിനിടെ തീവ്രവാദികളുടെ മറപിടിച്ച് പാകിസ്ഥാന്‍ കശ്മീരില്‍ നിഴല്‍ യുദ്ധം തുടരുകയാണെന്ന് ആഭ്യന്തരമന്ത്രി എല്‍.കെ. അദ്വാനി ആരോപിച്ചു. തീവ്രവാദത്തെ തകര്‍ക്കാനുളള എല്ലാ ശ്രമങ്ങളും കേന്ദ്രസര്‍ക്കാര്‍ തുടരുമെന്ന് അദ്ദേഹം വ്യക്തമാക്കി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X