ആന്റണി രാജിവയ്ക്കണം: സിപിഎം

തിരുവനന്തപുരം: മന്ത്രിസഭാരേഖ ചോര്‍ന്നതിന്റെ ധാര്‍മിക ഉത്തരവാദിത്തമേറ്റെടുത്ത് മുഖ്യമന്ത്രി എ.കെ.ആന്റണി രാജിവയ്ക്കണമെന്നും ജുഡീഷ്യല്‍ അന്വേഷണത്തിന് ഉത്തരവിടണമെന്നും സിപിഎം ആവശ്യപ്പെട്ടു.

ഭരണഘടനാപരമായി ഇത്തരം രഹസ്യസ്വഭാവമുള്ള രേഖകളുടെ സൂക്ഷിപ്പിന്റെ ഉത്തരവാദിത്തം മുഖ്യമന്ത്രിക്കുണ്ട്. അതുകൊണ്ടുതന്നെ മുഖ്യമന്ത്രിക്ക് ഈ പ്രശ്നത്തില്‍ കൈകഴുകാന്‍ പറ്റില്ല.

വിജിലന്‍സ് അന്വേഷണത്തിന് ഉത്തരവിടും വഴി യഥാര്‍ഥ പ്രശ്നത്തില്‍ നിന്ന് ശ്രദ്ധതിരിക്കാനാണ് സര്‍ക്കാര്‍ ശ്രമിക്കുന്നത്. വിജിലന്‍സ് അന്വേഷണം കൊണ്ട് കാര്യമായ പ്രയോജനമുണ്ടാവില്ലെന്ന് സിപിഎം ആരോപിച്ചു.

പുതിയ സ്വാശ്രയ എഞ്ചിനീയറിംഗ് കോളജുകള്‍ക്ക് ന്യൂനപക്ഷ പദവി നല്‍കുന്നതു സംബന്ധച്ച രേഖയാണ് ചോര്‍ന്നത്.