കേര ഇനി ധാരയുടെ പേരില്
തിരുവനന്തപുരം: സംസ്ഥാന സര്ക്കാരിന്റെ ഉടമസ്ഥതയിലുള്ള കേരഫെഡ് പുറത്തിറക്കിയിരുന്ന കേര വെളിച്ചെണ്ണ ഇനി വിപണിയില് നിന്നും അപ്രത്യക്ഷമാകും.
കേര വെളിച്ചെണ്ണ ഇനി ദേശീയ ക്ഷീര വികസന ബോര്ഡിന്റെ (എന്ഡിഡിബി)ധാര ഉല്പ്പന്നങ്ങളുടെ ബ്രാന്ഡ് നെയിമില് വിപണനം ചെയ്യുന്നതിനെ കുറിച്ച് ആലോചിക്കുന്നുണ്ടെന്ന് കൃഷി മന്ത്രി കെ. ആര്. ഗൗരിയമ്മ വ്യക്തമാക്കി. ഇതിനെ കുറിച്ചുള്ള ചര്ച്ചകള് നടക്കുന്നതേയുള്ളു. പദ്ധതിയുടെ രൂപരേഖ തയാറാക്കിയിട്ടില്ലെന്നും ആഗസ്ത് 10 വെള്ളിയാഴ്ച ഗൗരിയമ്മ വാര്ത്താലേഖകരെ അറിയിച്ചു.
ആഗസ്ത് 10 മുതല് 90 ദിവസത്തേക്ക് കയറുല്പ്പന്നങ്ങള് 15 ശതമാനം വിലക്കിഴിവില് വില്ക്കുമെന്ന് മന്ത്രി അറിയിച്ചു. ഇതില് 10 ശതമാനം സംസ്ഥാന സര്ക്കാരിന്റെ ധനസഹായവും ബാക്കി അഞ്ച് കേന്ദ്രസര്ക്കാരിന്റേതുമാണെന്ന് മന്ത്രി പറഞ്ഞു. 90 ദിവസങ്ങള്ക്ക് ശേഷം വിലക്കിഴിവ് നീട്ടുന്നതിനെ കുറിച്ച് ആലോചിക്കുമെന്നും ഗൗരിയമ്മ വ്യക്തമാക്കി.
കയര്ഫെഡ് പുനസംഘടിപ്പിക്കും. കയര്ഫെഡിനായി ഒരു കോടി രൂപ സര്ക്കാര് ധനസഹായം നല്കിയിട്ടുണ്ട്. ഇതില് 80 ലക്ഷം രൂപയും ജീവനക്കാരുടെ ശമ്പള കുടിശിക തീര്ക്കാനായിരിക്കും നല്കുക. 10 ലക്ഷം രൂപ കയര് സഹകരണസംഘങ്ങള്ക്ക് നല്കും. കണിച്ചുകുളങ്ങരയില് കയര് ഗോഡൗണ് ഉള്പ്പടെയുള്ള കയര് കോംപ്ലക്സ് സ്ഥാപിക്കുമെന്നും മന്ത്രി അറിയിച്ചു. കയര്, കൈത്തറി, മത്സ്യത്തൊഴിലാളികള്ക്കുള്ള ആനുകൂല്യങ്ങള് ഓണത്തിന് മുമ്പ് നല്കുമെന്നും ഗൗരിയമ്മ പറഞ്ഞു.