ആര്സിസി : വിദേശ സര്വകലാശാലയ്ക്ക് പങ്കുണ്ട്
തിരുവനന്തപുരം: റീജിയണല് കാന്സര് സെന്റര് (ആര്സിസി) അമേരിക്കയിലെ ജോണ് ഹോപ്കിന്സ് സര്വകലാശാലയുമായി സാമ്പത്തിക ഇടപാട് നടത്തിയിട്ടുണ്ടെന്ന് പ്രാഥമികാന്വേഷണത്തില് തെളിഞ്ഞതായി ആര്സിസി വിവാദത്തെ കുറിച്ച് അന്വേഷിക്കുന്ന ഡോ. പര്വേശ് എം. പരീഖ് പറഞ്ഞു.
പരീക്ഷണത്തില് പങ്കില്ലെന്ന സര്വകലാശാലയുടെ വെളിപ്പെടുത്തല് ശരിയല്ലെന്ന് പര്വേശ് പരീഖ് പറഞ്ഞു. ആഗസ്ത് 10 വെള്ളിയാഴ്ച തെളിവെടുപ്പ് നടത്തിയ ശേഷം വാര്ത്താ സമ്മേളനത്തില് സംസാരിക്കുകയായിരുന്നു പര്വേശ് പരീഖ്.
നിരോധിച്ച മരുന്ന് പരീക്ഷിക്കപ്പെട്ടുവെന്ന് പറയപ്പെടുന്ന രോഗികള് പര്വേശ് പരീഖ് കമ്മീഷന് മുമ്പാകെ തെളിവ് നല്കണം. പരീക്ഷണത്തിന് വിധേയരായ 25 രോഗികളോടും ആഗസ്ത് 16 വ്യാഴാഴ്ച തെളിവ് നല്കണമെന്നാണ് കമ്മീഷന് ആവശ്യപ്പെട്ടിട്ടുള്ളത്.
സംഭവത്തെ കുറിച്ച് സമഗ്രമായ അന്വേഷണമാണ് നടത്തുന്നത്. പ്രശ്നത്തിന്റെ വൈദ്യശാസ്ത്രപരവും ധാര്മ്മികപരവുമായ വശങ്ങളെല്ലാം അന്വേഷിക്കുമെന്നും പരീഖ് വ്യക്തമാക്കി.
അന്വേഷണത്തില് ആര്.സി.സി ഇടപെടുന്നുണ്ടെന്ന് ആരോപിച്ച് കോണ്ഗ്രസ് പ്രവര്ത്തകര് ക്യാന്സര് സെന്ററിലേക്ക് മാര്ച്ച് നടത്തി.