ട്രഷറി പലിശനിരക്കുകള്‍ പുതുക്കി

തിരുവനന്തപുരം: സംസ്ഥാന ട്രഷറികളിലെ നിക്ഷേപങ്ങള്‍ക്കുള്ള പലിശനിരക്ക് ആഗസ്ത് 21 ചൊവാഴ്ച മുതല്‍ പുതുക്കി നിശ്ചയിച്ചു.

ഇതനുസരിച്ച് സേവിംഗ്സ് നിക്ഷേപങ്ങള്‍ക്ക് പ്രതിമാസം 5.5ശതമാനം പലിശ ലഭിക്കും. സ്ഥിരനിക്ഷേപങ്ങളുടെ പലിശനിരക്കും പുതുക്കി നിശ്ചയിച്ചിട്ടുണ്ട്. 46 ദിവസം മുതല്‍ 180 ദിവസം വരെയുള്ള നിക്ഷേപങ്ങള്‍ക്ക് 8. 5 ശതമാനം പലിശ ലഭിക്കും.

180 ദിവസം മുതല്‍ ഒരു വര്‍ഷം വരെയുള്ള നിക്ഷേപങ്ങള്‍ക്ക് 9. 5 ശതമാനവും ഒരു വര്‍ഷം മുതല്‍ മൂന്ന് വര്‍ഷം വരെയുള്ള നിക്ഷേപങ്ങള്‍ക്ക് 12. 5 ശതമാനവും പലിശ ലഭിക്കും. മൂന്ന് വര്‍ഷത്തിന് മുകളിലുള്ള നിക്ഷേപങ്ങള്‍ക്ക് 13 ശതമാനമായിരിക്കും പലിശ.