കൊച്ചിയില് നിന്നും കുവൈറ്റ്,സിംഗപ്പൂര് വിമാനങ്ങള്
തിരുവനന്തപുരം: നെടുമ്പാശേരി അന്താരാഷ്ട്ര വിമാനത്താവളത്തില് നിന്നും കുവൈറ്റ് എയര്വേസും സിംഗപ്പൂരിന്റെ സില്ക്ക് എയര്വേസും താമസിയാതെ സര്വീസ് തുടങ്ങുമെന്ന് വിനോദസഞ്ചാര മന്ത്രി കെ. വി. തോമസ്.
ഇതിനായി കേന്ദ്ര വ്യോമയാന മന്ത്രാലയം അനുമതി നല്കിക്കഴിഞ്ഞു. എയര് ഇന്ത്യയുമായി ഗ്രൗണ്ട് ഹാന്ഡ്ലിംഗ് സൗകര്യത്തിനുള്ള കരാര് ഈ എയര്ലൈനുകള് ഒപ്പിട്ട് കഴിഞ്ഞാലുടന് സര്വീസ് തുടങ്ങുമെന്ന് ആഗസ്ത് 23 വ്യാഴാഴ്ച വാര്ത്താസമ്മേളനത്തില് തോമസ് വ്യക്തമാക്കി.
കേരളത്തിന്റെ വിനോദസഞ്ചാര സാധ്യതകള് വിലയിരുത്താന് കേന്ദ്ര വിനോദസഞ്ചാര മന്ത്രി അനന്ത്കുമാറിന്റെ നേതൃത്വത്തിലുള്ള ഉന്നതതല സംഘം സംസ്ഥാനത്തെത്തും. കഴിഞ്ഞ വര്ഷം കേന്ദ്രം കേരളത്തിന്റെ വിനോദസഞ്ചാര മേഖലയ്ക്ക് 14 കോടി രൂപ നല്കിയതായും മന്ത്രി അറിയിച്ചു. കൊച്ചിയില് നടന്ന സമവായം 2001ല് വച്ച് ലോകബാങ്ക് വൈസ് പ്രസിഡന്റ് വിനോദ് തോമസുമായി കേരളത്തിന്റെ വിനോദസഞ്ചാര വികസനത്തെ കുറിച്ച് ചര്ച്ച നടത്തി. ഇക്കോടൂറിസം സംബന്ധിച്ച് ചില പ്രോജക്ടുകള് വിനോദ് തോമസിന് സമര്പ്പിച്ചുവെന്നും മന്ത്രി അറിയിച്ചു.