30,000 ക്ഷേത്രങ്ങള്‍ പുന:സ്ഥാപിക്കും: വിഎച്ച്പി

ദില്ലി: അയോധ്യയില്‍ രാമക്ഷേത്രം നിര്‍മിച്ചതിനു ശേഷം രാജ്യത്ത് 30,000 ക്ഷേത്രങ്ങള്‍ പുന:സ്ഥാപിക്കുന്നതിനുള്ള പ്രവര്‍ത്തനം ആരംഭിക്കുമെന്ന് വിശ്വഹിന്ദു പരിഷത്ത് വൈസ് പ്രസിഡന്റ് ആചാര്യ ഗിരിരാജ് കിഷോര്‍ പറഞ്ഞു.

വാജ്പേയി സര്‍ക്കാരിന്റെ നിലപാട് എന്തുതന്നെയായിരുന്നാലും തങ്ങള്‍ തീരുമാനിച്ചതു പ്രകാരം രാമക്ഷേത്ര നിര്‍മാണം നടത്തുമെന്ന് കിഷോര്‍ അറിയിച്ചു.

വിഎച്ച്പി പുന:സ്ഥാപിക്കാന്‍ ഉദ്ദേശിക്കുന്ന ക്ഷേത്രങ്ങളില്‍ പലതും തര്‍ക്കമന്ദിരങ്ങളാണെന്ന് സര്‍ക്കാര്‍ പറഞ്ഞിട്ടുണ്ടെങ്കിലും ക്ഷേത്രങ്ങളുടെ പുന:സ്ഥാപനവുമായി മുന്നോട്ടുപോകും.

വിഎച്ച്പി പ്രാദേശിക സമിതികള്‍ ഈ പ്രശ്നം രാജ്യവ്യാപകമായി ഉയര്‍ത്തുമെന്ന് കിഷോര്‍ പറഞ്ഞു.