സെലസും ഗൊരാനും പുറത്ത്; ഹിംഗിസ് ക്വാര്ട്ടറില്
ന്യൂയോര്ക്ക്: ഏഴാം സീഡ് അമേരിക്കയുടെ മോണിക്കാ സെലസ് യുഎസ് ഓപ്പണ് ടെന്നീസ് ചാമ്പ്യന്ഷിപ്പില് നിന്ന് പുറത്തായി. സപ്തംബര് രണ്ട് ഞായറാഴ്ച വൈകീട്ട് നടന്ന പ്രീക്വാര്ട്ടറില് ചെക്കോസ്ലോവാക്യയുടെ ദാജാ ബെദെനോവയാണ് സെലസിനെ തോല്പിച്ചത്. സ്കോര്: 7-5, 4-6, 6-3.
അതേ സമയം ഒന്നാം സീഡ് മാര്ട്ടിന ഹിംഗിസും മൂന്നാം സീഡ് ലിന്ഡ്സെ ഡാവന്പോര്ട്ടും ക്വാര്ട്ടറില് കടന്നു. 14ാം സീഡ് ജെലേന ഡോക്കിച്ചിന് 6-4, 6-0ത്തിന് തകര്ത്താണ് ഹിംഗിസ് ക്വാര്ട്ടറിലെത്തിയത്. സെലസിനെ അട്ടിമറിച്ച ബെദെനോവയെയാണ് ഹിംഗിസ് ക്വര്ട്ടറില് നേരിടുക. റഷ്യക്കാരി എലേന ലിക്കോറ്റ്സേവയെ തോല്പിക്കാന് ഡാവന്പോര്ട്ടിന് മൂന്നു സെറ്റുകള് കളിക്കേണ്ടിവന്നു. സ്കോര്: 6-3, 0-6, 6-3.
10ാം സീഡ് അമേരിക്കയുടെ സെറീന വില്യംസാണ് ക്വാര്ട്ടറില് ഡാവന്പോര്ട്ടിന്റെ എതിരാളി. പ്രിക്വാര്ട്ടറില് ആറാം സീഡും വിംബിള്ഡണ് റണ്ണറപ്പുമായ ബെല്ജിയത്തിന്റെ ജസ്റിന് ഹെനിനെയാണ് സെറീന തോല്പിച്ചത്. സ്കോര്: 7-5, 6-0.
പുരുഷവിഭാഗത്തില് ഒന്നാം സീഡ് ഗസ്റാവോ കേര്ട്ടണ്, നാലാം സീഡ് ലെയ്ട്ടണ് ഹെവിറ്റ്, 18ാം സീഡ് ആന്ഡി റോഡിക്ക് എന്നിവര് പ്രിക്വാര്ട്ടറില് കടന്നു.
എന്നാല് 15ാം സീഡും വിംബിള്ഡണ് ചാമ്പ്യനുമായ ഗൊരാന് ഇവാനിസെവിച്ച് മൂന്നാം റൗണ്ടില് പുറത്തായി. അഞ്ചാം സീഡ് ജുവാന് കാര്ലോസ് ഫെരേറോയും 11ാം സീഡ് അലക്സ് കൊറെജയും 17ാം സീഡ് കാര്ലോസ് മോയയും പുറത്തായവരില്പ്പെടും.
സ്പെയിനിന്റെ ആല്ബര്ട്ട കോസ്റ 6-4, 7-6, 7-6 എന്ന സ്കോറിനാണ് ഗൊരാനെ പരാജയപ്പെടുത്തിയത്. സ്പെയിന്കാരനായ ഫെരേറോയെ നാട്ടുകാരന് ടോമി റോബ്രെഡോയും മോയയെ 12ാം സീഡ് ആര്നോഡ് ക്ലമെന്റുമാണ് തോല്പിച്ചത്. കൊറെജയെ ആന്ഡി റോഡിക്കാണ് തോല്പിച്ചത്.