കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

താലിബാന്‍ അധികാരമൊഴിയണം: അമേരിക്ക

  • By Staff
Google Oneindia Malayalam News

വാഷിംഗ്ടണ്‍: സൗദി ഇസ്ലാമിക തീവ്രവാദി ഒസാമ ബിന്‍ ലാദന്‍ അഫ്ഗാനിസ്ഥാനിലുണ്ടെന്ന് സമ്മതിച്ച താലിബാന്‍ ഭരണകൂടം അധികാരമൊഴിയണമെന്ന് വൈറ്റ് ഹൗസ് ആവശ്യപ്പെട്ടു. ഒസാമ ബിന്‍ ലാദനുമായും അല്‍-ക്വയിദയുമായും താലിബാന്‍ അടുത്തിടപഴകിവരുന്നു. ഇപ്പോള്‍ അവര്‍ അത് അംഗീകരിക്കുകയും ചെയ്തിരിക്കുന്നു. തീര്‍ച്ചയായും ഇത് ശരിയല്ല, വൈറ്റ് ഹൗസ് ഉദ്യോഗസ്ഥമേധാവി ആന്‍ഡ്രൂ കാര്‍ഡ് പറഞ്ഞു.

തീവ്രവാദത്തിനെതിരായ പോരാട്ടത്തില്‍ താലിബാന് പങ്കാളിയാകാന്‍ കഴിയില്ല. ഇനിയും തീവ്രവാദ പ്രവര്‍ത്തനങ്ങളെ പിന്തുണയ്ക്കുകയാണെങ്കില്‍ തീര്‍ച്ചയായും അവര്‍ അധികാരത്തില്‍ നിന്ന് പുറത്താകണം - അദ്ദേഹം കൂട്ടിച്ചേര്‍ത്തു.

ഏതെങ്കിലും രാജ്യം തീവ്രവാദത്തെ പ്രോത്സാഹിപ്പിക്കുന്നതും തീവ്രവാദികള്‍ക്ക് അഭയം കൊടുക്കുന്നതും അമേരിക്ക സമ്മതിക്കില്ല. ഇപ്പോള്‍ താലിബാന്‍ സര്‍ക്കാര്‍ തീവ്രവാദികള്‍ക്ക് അഭയം കൊടുക്കുകയാണെന്ന് തെളിഞ്ഞുകഴിഞ്ഞു. അവര്‍ക്ക് എല്ലാ സഹായവും ചെയ്ത് രാജ്യത്തുടനീളം സഞ്ചരിക്കാന്‍ അനുമതി നല്‍കിയിരിക്കുകയാണ്. ഇപ്പോള്‍ തീവ്രവാദികള്‍ ലോകമാകെ വ്യാപിച്ചിരിക്കുകയാണ് - കാര്‍ഡ് ചൂണ്ടിക്കാട്ടി.

സപ്തംബര്‍ 30 ഞായറാഴ്ച പാകിസ്ഥാനിലെ താലിബാന്‍ സ്ഥാനപതി മുല്ല സലാം സെയ്ഫാണ് ഒസാമ താലിബാന്റെ സംരക്ഷണയിലുണ്ടെന്ന് പ്രഖ്യാപിച്ചത്. അഫ്ഗാനിസ്ഥാന്‍ വിടണമെന്ന ഇസ്ലാമിക പണ്ഡിതരുടെ നിര്‍ദ്ദേശം ഒസാമയെ അറിയിച്ചിട്ടുണ്ടെന്ന് സെയ്ഫ് ആവര്‍ത്തിച്ചു. എന്നാല്‍ ഒസാമ ഇപ്പോള്‍ എവിടെയാണെന്ന കാര്യം സുരക്ഷാ ഉദ്യോഗസ്ഥര്‍ക്ക് മാത്രമേ അറിയുകയുള്ളൂ എന്നും അദ്ദേഹം പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X