കസ്റംസ് കമ്മീഷണര് ഓഫീസ് തുറക്കണം
തിരുവനന്തപുരം: തിരുവനന്തപുരത്ത് സെന്ട്രല് എക്സൈസിന്റെയും കസ്റംസ് കമ്മീഷണറുടെയും ഓഫീസ് തുറക്കണമെന്ന് തിരുവനന്തപുരം ചേമ്പര് ഓഫ് കോമേഴ്സ് ആവശ്യപ്പെട്ടു.
കേന്ദ്ര വാണിജ്യമന്ത്രിക്ക് ഇത് സംബന്ധിച്ച് നിവേദനം നല്കിയിട്ടുണ്ടെന്ന് ചേമ്പര് ഓഫ് കോമേഴ്സ് ഭാരവാഹികള് ഒക്ടോബര് രണ്ട് ചൊവാഴ്ച അറിയിച്ചു. തിരുവനന്തപുരം വിമാനത്താവളത്തിലെ കാര്ഗോ സൗകര്യങ്ങള് മെച്ചപ്പെട്ടിട്ടുള്ളതിനാല് കൂടുതല് കയറ്റുമതി ഇവിടെ നിന്നും നടക്കുന്നുണ്ടെന്ന് അവര് നിവേദനത്തില് ചൂണ്ടിക്കാട്ടി.
കേരളത്തില് നിന്നും കയറ്റി അയക്കുന്ന പച്ചക്കറികളുടെ 90 ശതമാനവും തിരുവനന്തപുരം വഴിയാണ് അയക്കുന്നത്. തമിഴ്നാട്ടിലെ കയറ്റുമതിക്കാരും തിരുവനന്തപുരം വിമാനത്താവളത്തെയാണ് കയറ്റുമതിക്കായി ആശ്രയിക്കുന്നതെന്നും നിവേദനത്തില് വ്യക്തമാക്കി. ഇപ്പോള് കൊച്ചിയില് മാത്രമാണ് കമ്മീഷണര് ഓഫീസ് ഉള്ളത്. ഇക്കാരണത്താല് തിരുവനന്തപുരത്തിനും കൊച്ചിക്കുമിടയില് നിരവധി തവണ കയറ്റുമതിക്കാര്ക്ക് യാത്ര ചെയ്യേണ്ടി വരുന്നുവെന്നും അവര് പറഞ്ഞു.
മറ്റ് സംസ്ഥാന തലസ്ഥാനങ്ങളിലെല്ലാം കസ്റംസിന്റെയും സെന്ട്രല് എക്സൈസിന്റെയും കമ്മീഷണര് ഓഫീസുകളുണ്ട്. കേന്ദ്ര സര്ക്കാര് പുതിയതായി 42 കമ്മീഷണര് ഓഫീസുകള് ആരംഭിക്കാന് തീരുമാനിച്ചിട്ടുണ്ട്. ഇതില് ഒന്ന് തിരുവനന്തപുരത്ത് വേണമെന്ന് ചേമ്പര് മന്ത്രിയോട് ആവശ്യപ്പെട്ടു.