കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

റോഡു പണിക്ക് കര്‍മ്മ സമിതി വേണം

  • By Staff
Google Oneindia Malayalam News

കൊച്ചി: റോഡുകളുടെ അറ്റകുറ്റ പണി നടത്താനായി ഒരു കര്‍മ്മ സമിതിയെ രൂപീകരിക്കാന്‍ ഹൈക്കോടതി നിര്‍ദ്ദേശം. റോഡു പണി പ്രാധാന്യം അനുസരിച്ച് കണ്ടെത്തി നടത്താനായാണ് ഈ സമിതിയെന്ന് കോടതി വ്യക്തമാക്കി.

പി എന്‍ ബാലസുബ്രഹ്മണ്യന്‍ നല്‍കിയ പൊതു താത്പര്യ ഹര്‍ജി പരിഗണിച്ചാണ് ജസ്റിസ് ബി. എന്‍. ശ്രീകൃഷ്ണ, എം. രാമചന്ദ്രന്‍ എന്നിവരടങ്ങുന്ന ഡിവിഷന്‍ ബഞ്ച് ഈ നിര്‍ദ്ദേശം നല്‍കിയത്.

പണി കഴിഞ്ഞ് കോണ്‍ട്രാക്ടര്‍മാര്‍ ബില്ല് മാറുന്നതിനിടയില്‍ റോഡ് പൊളിയുന്നത് ആശാസ്യമല്ല. റോഡ് വിഭാഗത്തിന്റെ ചുമതലയുള്ള എക്സിക്യൂട്ടീവ് എഞ്ചിനിയര്‍ തന്നെ ഇക്കാര്യത്തില്‍ കുടുതല്‍ ശ്രദ്ധ കാട്ടേണ്ടതുണ്ട്---. കോണ്‍ട്രാക്ടര്‍മാരുടെ പണി കൃത്യമായി നിരീക്ഷിക്കുകയും വേണം. കോടതി അഭിപ്രായപ്പെട്ടു.

റോഡുകള്‍ നന്നായി സൂക്ഷിക്കാന്‍ സര്‍ക്കാരിന് നിര്‍ദ്ദേശം നല്‍കണമെന്നാവശ്യപ്പെട്ടാണ് പൊതു താത്പര്യ ഹര്‍ജി സമര്‍പ്പിച്ചിരുന്നത്. എന്നാല്‍ അത് സര്‍ക്കാരിന്റെ ജോലിയുടെ ഭാഗമായതുകൊണ്ട് അത്തരത്തില്‍ ഒരു നിര്‍ദ്ദേശം നല്‍കാന്‍ കോടതി തയ്യാറായില്ല. സാമ്പത്തിക ഞെരുക്കമുണ്ടെങ്കിലും ക്ഷേമപ്രവര്‍ത്തനങ്ങള്‍ നടത്തുന്നതില്‍ നിന്ന് സര്‍ക്കാര്‍ പിന്‍തിരിയില്ലെന്ന് കോടതി പ്രത്യാശ പ്രകടിപ്പിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X