കള്ള് സൊസൈറ്റികള് പിരിച്ചുവിടണം: കെപിസിസി
തിരുവനന്തപുരം: കള്ള് ഷാപ്പ് സൊസൈറ്റികള് പിരിച്ചുവിടാന് സര്ക്കാരിനോട് കെപിസിസി എക്സിക്യുട്ടീവ് യോഗം ശുപാര്ശ ചെയ്തു.
സൊസൈറ്റികള് പിരിച്ചുവിട്ടാലും ഷാപ്പുകള് ലേലം ചെയ്ത് നല്കരുതെന്ന് ഒക്ടോബര് അഞ്ച് വെള്ളിയാഴ്ച ചേര്ന്ന യോഗം സര്ക്കാരിനോട് ആവശ്യപ്പെട്ടു. ഷാപ്പുകള് എക്സൈസിന് നല്കണമോ വേണ്ടയോ എന്ന കാര്യത്തില് കെപിസിസിയില് ഭിന്നത നിലനില്ക്കുന്നുണ്ടെന്ന് പ്രസിഡന്റെ കെ. മുരളീധരന് വ്യക്തമാക്കി.
ജില്ലാ കോണ്ഗ്രസ് കമ്മിറ്റികള് ഒരു മാസത്തിനുള്ളില് പുനസംഘടിപ്പിക്കും. ഇതിനായി കെപിസിസി ജനറല് സെക്രട്ടറി കെ. പി. കുഞ്ഞിക്കണ്ണന് അധ്യക്ഷനായി ഒമ്പതംഗ സമിതി രൂപീകരിച്ചു. ബ്ലോക്ക് കമ്മിറ്റികളെ നിയോജകമണ്ഡലം കമ്മിറ്റികളാക്കാനും പുനസംഘടനയ്ക്ക് ശേഷം ആദ്യമായി നടന്ന കെപിസിസി എക്സിക്യുട്ടീവ് തീരുമാനിച്ചു. ഇതിനായി ഹൈക്കമാന്ഡില് ശുപാര്ശ നടത്തുമെന്നും മുരളീധരന് അറിയിച്ചു.
കര്ഷകരെ സഹായിക്കാന് കടാശ്വാസ നിയമം ഈ നിയമസഭാ സമ്മേളനത്തില് തന്നെ കൊണ്ടുവരാന് യോഗം സര്ക്കാരിനോട് ആവശ്യപ്പെട്ടു. ആദിവാസി സമരത്തില് സര്ക്കാരെടുക്കുന്ന ഏത് തീരുമാനത്തെയും കെപിസിസി പിന്തുണയ്ക്കും. കേന്ദ്രവുമായി ഒരേറ്റുമുട്ടലിനും തയാറല്ലെന്ന് യുഡിഎഫ് വ്യക്തമാക്കിയിരുന്നെങ്കിലും കേന്ദ്രത്തിന് ഈ നിലപാടല്ല ഉള്ളതെന്ന് മനസിലാക്കുന്നു. പ്രകൃതിക്ഷോഭ ദുരിതാശ്വാസം ഒറീസയ്ക്ക് നല്കിയെങ്കിലും കേരളത്തിന് നല്കാത്തത്് ഇതാണ് വ്യക്തമാക്കുന്നതെന്നും യോഗം ചൂണ്ടിക്കാട്ടി. ഇനിയും ഈ നിലപാടാണ് കേന്ദ്രം സ്വീകരിക്കുന്നതെങ്കില് പ്രത്യക്ഷമായ സമരപരിപാടികള് കോണ്ഗ്രസ് തുടങ്ങും.
മാധവറാവു സിന്ധ്യ, രാജേഷ്പൈലറ്റ്, വിജയഭാസ്ക്കര റെഡ്ഡി, ജി. കെ. മൂപ്പനാര് എന്നിവരുടെ നിര്യാണത്തില് യോഗം അനുശോചനം രേഖപ്പെടുത്തി.