ഒണ്-ദ-സ്പോട്ട് വിസ സംവിധാനത്തിന് ആവശ്യപ്പെട്ടു
തിരുവനന്തപുരം: വിദേശത്തു നിന്നുവരുന്ന വിനോദസഞ്ചാരികള്ക്ക് ഒണ്-ദ-സ്പോട്ട് ടൂറിസ്റ് വിസ നല്കുന്നതിനുള്ള സംവിധാനം തിരുവനന്തപുരം വിമാനത്താവളത്തില് ഒരുക്കാന് സംസ്ഥാനസര്ക്കാര് കേന്ദ്രത്തോട് ആവശ്യപ്പെട്ടു.
തിരഞ്ഞെടുക്കപ്പെട്ട 12 രാജ്യങ്ങളില് നിന്നുള്ള വിനോദസഞ്ചാരികള്ക്ക് ഉടന് വിസ നല്കുന്നതിനുള്ള സംവിധാനമൊരുക്കാനാണ് ആവശ്യപ്പെട്ടത്. കേന്ദ്ര ആഭ്യന്തരമന്ത്രിയുടെയും കേന്ദ്ര വിനോദസഞ്ചാരമന്ത്രിയുടെയും ശ്രദ്ധയില് ഇക്കാര്യം കൊണ്ടുവന്നിട്ടുണ്ടെന്നും അനുകൂല പ്രതികരണമാണ് കേന്ദ്രത്തില് നിന്നുള്ളതെന്നും സംസ്ഥാന വിനോദസഞ്ചാരമന്ത്രി കെ.വി.തോമസ് ഒക്ടോബര് അഞ്ച് വെള്ളിയാഴ്ച പറഞ്ഞു.
ഒണ്-ദ-സ്പോട്ട് ടൂറിസ്റ് വിസ നല്കുന്നതിനുള്ള സംവിധാനം ഇപ്പോള് നാല് മെട്രോനഗരങ്ങളില് മാത്രമേയുള്ളൂ.
സംസ്ഥാനത്തിന്റെ വിനോദസഞ്ചാര പദ്ധതികളോട് കേന്ദ്രത്തില് നിന്ന് വളരെ അനുകൂലമായ പ്രതികരമാണ് ലഭിക്കുന്നത്. കേന്ദ്രത്തിന്റെ പരിഗണനയ്ക്കായി സമര്പ്പിച്ച ചില പദ്ധതികള്ക്ക് ഇതിനകം തന്നെ അനുമതി ലഭിച്ചിട്ടുണ്ടെന്ന് മന്ത്രി പറഞ്ഞു.