ആന്ത്രാക്സ് ആസ്ട്രേലിയയിലും

മെല്‍ബോണ്‍: ആന്ത്രാക്സ് രോഗം ആസ്ട്രേലിയയിലും ഭീതി വിതക്കുന്നു. യുഎസ്, ബ്രിട്ടീഷ് കോണ്‍സുലേറ്റുകളടക്കം എട്ട് കെട്ടിടങ്ങളില്‍ ആന്ത്രാക്സ് രോഗം പരത്തുന്ന രാസവസ്തുവടങ്ങിയതെന്ന് സംശയിക്കുന്ന കത്തുകള്‍ കിട്ടി.

ഒരു കത്തില്‍ രാസവസ്തു കണ്ടതിനെ തുടര്‍ന്ന് മെല്‍ബോണിലെ യുഎസ് കോണ്‍സുലേറ്റിലെ മുഴുവന്‍ ആളുകളെയും കെട്ടിടത്തില്‍ നിന്ന് ഒഴിപ്പിച്ചു. ബ്രിസ്ബെയിനിലെ ബ്രിട്ടീഷ് കോണ്‍സുലേറ്റിലും വെളുത്ത പൊടിയടങ്ങിയ കത്തുകള്‍ കണ്ടുകിട്ടി.

ബ്രിസ്ബാന്‍ സ്റേറ്് ഡെവലപ്മെന്റ് കെട്ടിടത്തില്‍ കത്തുകളിലെത്തിയ വെളുത്ത പൊടി ശരീരത്തിലായെന്ന് സംശയിക്കുന്ന ആറ് പേരെ മുന്‍കരുതലെന്ന നിലയില്‍ ആശുപത്രിയില്‍ പ്രവേശിപ്പിച്ചു. സ്റേറ്റ് പ്രീമിയര്‍ ഓഫീസിലും ആന്ത്രാക്സ് കത്ത് കണ്ടെത്തി.

ആന്ത്രാക്സ് കത്തുകള്‍ക്ക് പിന്നില്‍ ഒസാമ ബിന്‍ ലാദനാണെന്നതിന് തെളിവുകളൊന്നുമില്ലെങ്കിലും ലാദനെയാണ് പ്രധാനമായും സംശയിക്കുന്നതെന്ന് യുഎസ് അറ്റോണി ജനറല്‍ ജോണ്‍ അസ്ച്റോഫ്റ്റ് പറഞ്ഞു.