പ്രതിപക്ഷം ബുധനാഴ്ച വീണ്ടും ഇറങ്ങിപ്പോയി
തിരുവനന്തപുരം: ജപ്പാന് സഹായത്തോടെ നടത്തുന്ന കുടിവെള്ളപദ്ധതിയില് ടിസിഎ കമ്പനിയെ കണ്സള്ട്ടന്റായി നിയമിച്ച തീരുമാനത്തെ കുറിച്ച് ജുഡീഷ്യല് അന്വേഷണം വേണമെന്ന ആവശ്യം തള്ളിയതിനെ തുടര്ന്ന് പ്രതിപക്ഷം ഒക്ടോബര് 17 ചൊവാഴ്ച രണ്ടാം തവണയും നിയമസഭയില് നിന്ന് ഇറങ്ങിപ്പോയി.
സഭാനടപടികള് അവസാനിക്കാന് അല്പസമയം കൂടി ബാക്കിയിരിക്കെയാണ് പ്രതിപക്ഷനേതാവ് വി. എസ്. അച്യുതാനന്ദന് ഈ ആവശ്യം ഉന്നയിച്ചത്. ഇതേ കുറിച്ച് സിബിഐ അന്വേഷണം ആവാമെന്ന നിലപാട് ആന്റണി ആവര്ത്തിച്ചു. ഇതേ തുടര്ന്ന് അച്യുതാനന്ദന്റെ നേതൃത്വത്തില് പ്രതിപക്ഷം വീണ്ടും ഇറങ്ങിപ്പോക്ക് നടത്തുകയായിരുന്നു. ഉച്ചയ്ക്ക് മുമ്പ് ബസ് ചാര്ജ് വര്ധനവ് പിന്വലിക്കണമെന്ന് ആവശ്യപ്പെട്ട് പ്രതിപക്ഷം ഇറങ്ങിപ്പോക്ക് നടത്തിയിരുന്നു.
പ്രതിപക്ഷം ഇറങ്ങിപ്പോയപ്പോള് മുഖ്യമന്ത്രി ആന്റണി വികാരാധീനനായി. തനിക്ക് ഈ പ്രശ്നത്തില് ഒന്നും മറച്ചുവെക്കാനില്ലെന്നും ഇക്കാര്യത്തില് മന്ത്രിസഭായോഗം തീരുമാനമെടുക്കുമെന്നും ആന്റണി പറഞ്ഞു.