ആദിവാസി സമരത്തിന് പിന്നില് ഗൂഢാലോചന
കൊച്ചി: മുഖ്യമന്ത്രി എ. കെ. ആന്റണിയും ആദിവാസി നേതാവ് സി. കെ. ജാനുവും ചേര്ന്നുള്ള ഗൂഢാലോചനയാണ് ആദിവാസി സമരത്തിന് പിന്നിലുണ്ടായിരുന്നതെന്ന് മുന് മുഖ്യമന്ത്രി ഇ. കെ. നായനാര് ആരോപിച്ചു.
മാധ്യമങ്ങള് വളര്ത്തിയ സമരമായിരുന്നു ആദിവാസി സമരമെന്നും നായനാര് പറഞ്ഞു. തദ്ദേശസ്വയംഭരണ സ്ഥാപനങ്ങളിലെ എല്ഡിഎഫ് പ്രതിനിധികളുടെ യോഗത്തില് സംസാരിക്കുകയായിരുന്നു നായനാര്.
ആദിവാസി സമരത്തിന്റെ പേരില് സെക്രട്ടറിയേറ്റ് പരിസരം ടോയ്ലറ്റാക്കി മാറ്റുകയാണ് സമരക്കാര് ചെയ്തത്. സമരം അവസാനിച്ച നിലക്ക് സെക്രട്ടറിയേറ്റ് പരിസരം ആര് വൃത്തിയാക്കും? ആന്റണിയോ ജാനുവോ അതിനായി മുന്നോട്ടുവരുമോ?
താന് മുഖ്യമന്ത്രിയായിുന്നപ്പോള് തന്റ ഔദ്യോഗിക വസതിയിലേക്ക് മാര്ച്ച് നടത്തിയ യുഡിഎഫുകാരെ ഒട്ടും താമസിക്കാതെ ജയിലിക്കേയച്ചിരുന്നുവെന്നും അത്തരമൊരു നിലപാടാണ് ആദിവാസി സമരത്തിന്റെ കാര്യത്തിലും സ്വീകരിക്കേണ്ടിയിരുന്നതെന്നും നായനാര് പറഞ്ഞു.