യുഎസ് ആക്രമണം: ആശുപത്രി തകര്‍ന്നു

കാബൂള്‍: വടക്കന്‍ അഫ്ഗാനിസ്ഥാനിലെ ഹെറാത്ത് നഗരത്തിലെ രണ്ടാമത്തെ വലിയ ആശുപത്രി യുഎസ് ആക്രമണത്തില്‍ തകര്‍ന്നതായി താലിബാന്‍ അറിയിച്ചു.

ഒക്ടോബര്‍ 21 ഞായറാഴ്ച രാത്രിയില്‍ യുഎസ് ആക്രമണം നടത്തുമ്പോള്‍ ആശുപത്രിയില്‍ നിറയെ രോഗികളും ജീവനക്കാരുമുണ്ടായിരുന്നുവെന്ന് താലിബാന്‍ വക്താവ് പറഞ്ഞു.

ബോംബാക്രമണത്തില്‍ 100 കിടക്കകളുള്ള ഈ ആശുപത്രിയില്‍ വന്‍ അത്യാഹിതങ്ങളുണ്ടായെന്നും അതേ കുറിച്ചുള്ള വിശദവിവരങ്ങള്‍ ലഭിച്ചിട്ടില്ലെന്നും വക്താവ് വ്യക്തമാക്കി.