പഴം-പച്ചക്കറികൃഷി: 40,000 പേര്‍ക്ക് നേട്ടം

കൊച്ചി : യൂറോപ്യന്‍ സഹായത്തോടെയുള്ള കേരളാ ഹോര്‍ട്ടിക്കള്‍ച്ചര്‍ ഡെവലപ്മെന്റ് പ്രോഗ്രാം( കെഎച്ച്ഡിപി) വഴി 40,000 പഴം-പച്ചക്കറി കൃഷിക്കാര്‍ക്ക് നേട്ടം. ഏഴു ജില്ലകളിലായി 1,900 സ്വയംസഹായ സംഘങ്ങളുടെ കീഴില്‍ പ്രവര്‍ത്തിക്കുന്ന 40,000 കൃഷിക്കാര്‍ക്ക് കെഎച്ച്ഡിപി പദ്ധതി വഴി സാമ്പത്തികലാഭമുണ്ടാക്കാനായി.

പഴങ്ങളും പച്ചക്കറികളുമായി 60,000 ടണ്ണോണം ഉല്പാദനമുണ്ടാക്കാനും 48 കോടിയുടെ വിറ്റുവരവുണ്ടാക്കാനും ഈ പദ്ധതിയുടെ കീഴില്‍ പ്രവര്‍ത്തിക്കുന്നവര്‍ക്കായെന്ന് കെഎച്ച്ഡിപി ഡയറക്ടര്‍ കെ.ആര്‍. വിശ്വംഭരന്‍ പറഞ്ഞു. ഇതില്‍ 19,000 കര്‍ഷകര്‍ ബാങ്കുകളില്‍ നിന്നും 130 കോടിയോളം കടമെടുത്തെങ്കിലും ഇതില്‍ 90 ശതമാനവും തിരിച്ചടച്ചുകഴിഞ്ഞതായും വിശ്വംഭരന്‍ പറഞ്ഞു.