കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

യുദ്ധത്തിന്റെ ദൈന്യവുമായി അല്‍ജസീറ

  • By Staff
Google Oneindia Malayalam News

ദോഹ: അമേരിക്കയുടെ യുദ്ധവിമാനങ്ങള്‍ കാബൂളില്‍ ഒക്ടോബര്‍ 28 ഞായറാഴ്ച നടത്തിയ ആക്രമണത്തിന്റെ ദയനീയചിത്രങ്ങളുമായി ഖത്തറിലെ അല്‍-ജസീറ ടിവി വീണ്ടും . ഞായറാഴ്ച രാവിലെ നടത്തിയ ബോംബാക്രമണത്തില്‍ കൊല്ലപ്പെട്ട 15 പേരില്‍ ഒമ്പതു പേരും പിഞ്ചുകുട്ടികളായിരുന്നുവെന്ന് അല്‍-ജസീറ അഭിപ്രായപ്പെട്ടു. മുറിവേറ്റതും ഛിന്നഭിന്നമായതുമായ ആറ്കുട്ടികളടെ ജഡവും അല്‍-ജസീറ ടിവി സംപ്രേഷണം ചെയ്തു.

തകര്‍ന്ന വീടുകളുടെ അവശിഷ്ടങ്ങളും അല്‍-ജസീറ ടിവിയില്‍ പ്രത്യക്ഷപ്പെട്ടു. തകര്‍ന്ന വീടുകളുടെയും ചെറിയ കെട്ടിടങ്ങളുടെയും അവശിഷ്ടങ്ങള്‍ക്കിടയില്‍ മൂന്നു കുരുന്നുകളുടെ ജഡം കൂടിയുണ്ടെന്ന് അല്‍-ജസീറ ടിവി ലേഖകന്‍ ചൂണ്ടിക്കാട്ടുന്നു.

പൊടി നിറഞ്ഞ തെരുവില്‍ കരയുന്ന സ്ത്രീകളെയും പള്ളിക്കുമുമ്പില്‍ നിരത്തിക്കിടത്തിയിരിക്കുന്ന ആറ് കുട്ടികളുടെ ജഡവും അല്‍-ജസീറ ടിവിയില്‍ കാണാമായിരുന്നു. അവശിഷ്ടങ്ങള്‍ക്കിടയില്‍ പെട്ടുപോയ മൂന്നു കുഞ്ഞുങ്ങള്‍ 10 പേരടങ്ങുന്ന ഒരു കുടുംബത്തിലെ അംഗങ്ങളാണെന്ന് അല്‍-ജസീറ ടിവി പറഞ്ഞു. തകര്‍ന്നു പോയ അവരുടെ വീടും രക്ഷപ്പെട്ട് ആശുപത്രിയില്‍ കഴിയുന്ന ആ വീട്ടിലെ ഏക കുടുംബാംഗത്തെയും ടിവിയില്‍ കാണിച്ചു.

യുഎസ് യുദ്ധവിമാനങ്ങള്‍ ഇപ്പോഴും കാബൂള്‍ നഗരത്തിനു മുകളിലൂടെ പറക്കുകയാണെന്നും കൂടുതല്‍ പേര്‍ നഗരം വിട്ടോടുകയാണെന്നും ടിവി റിപ്പോര്‍ട്ടര്‍ പറഞ്ഞു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X