ആബേലച്ചന് അന്ത്യാഞ്ജലി

കോട്ടയം: അന്തരിച്ച കൊച്ചിന്‍ കലാഭവന്‍ സ്ഥാപകനും ഗാനരചയിതാവുമായ ആബേലച്ചന് ആയിരങ്ങളുടെ അന്ത്യാഞ്ജലി. ഒക്ടോബര്‍ 29 തിങ്കളാഴ്ച കുര്യനാട് സെന്റ് ആശ്രമസെമിത്തേരിയിലായിരുന്നു അന്ത്യകര്‍മ്മങ്ങള്‍.

കലാഭവന്‍ പ്രവര്‍ത്തകരും ശിഷ്യരും നാട്ടുകാരും ഉള്‍പ്പെടെ വന്‍ജനാവലി ചടങ്ങില്‍ സംബന്ധിച്ചു. ദിവ്യബലിയോടെയാണ് ശുശ്രൂഷാച്ചടങ്ങുകള്‍ ആരംഭിച്ചത്. തുടര്‍ന്ന് നഗരികാണിക്കല്‍ ചടങ്ങ് നടന്നു. പിന്നീട് പൊതുദര്‍ശനത്തിന് വച്ച മൃതദേഹത്തില്‍ അന്ത്യോപചാരമര്‍പ്പിക്കാന്‍ നിരവധി പേരെത്തി.

നടന്‍ ജയറാം, കലാഭവന്‍ മണി, സംവിധായകന്‍ സിദ്ദിഖ് തുടങ്ങി കലാഭവനിലൂടെ പ്രശസ്തിയുടെ പടവുകള്‍ കയറിയ നിരവധി പേര്‍ അന്ത്യകര്‍മ്മങ്ങളില്‍ ആദ്യാവസാനം പങ്കാളികളായി. സംസ്കാരചടങ്ങുകള്‍ക്ക് സിഎംഐ സഭാ പ്രിയോര്‍ ഫാ. അലക്സ്പൂക്കന്‍, പ്രൊവിന്‍ഷ്യല്‍ ഫാ. മാത്യു ചീരാങ്കുഴി എന്നിവര്‍ മുഖ്യകാര്‍മ്മികത്വം വഹിച്ചു.