തൊഴിലില്ലായ്മാവേതനം: ക്രമക്കേടുണ്ടെന്ന് മന്ത്രി
തിരുവനന്തപുരം: തൊഴിലില്ലായ്മ വേതനവിതരണക്കാര്യത്തില് ക്രമക്കേടുകള് നടക്കുന്നതായി തൊഴില് മന്ത്രി ബാബു ദിവാകരന് പറഞ്ഞു. ഒക്ടോബര് 29 തിങ്കളാഴ്ച നിയമസഭയില് ചോദ്യോത്തരവേളയിലാണ് മന്ത്രി ഇക്കാര്യം അറിയിച്ചത്.
ഇപ്പോള് 43.8 ലക്ഷം പേരാണ് കേരളത്തില് തൊഴിലില്ലായ്മവേതനം പറ്റുന്നത്. ഇതില് പലരും തൊഴിലുള്ളവരാണ്. അതുകൊണ്ട് തൊഴിലില്ലായ്മ വേതനത്തിന് അനര്ഹരുമാണ്. വര്ഷങ്ങള്ക്ക് മുമ്പ് എംപ്ലോയ്മെന്റ് എക്സ്ചേഞ്ചില് പേര് രജിസ്റര് ചെയ്തവരുടെ പേരില് ഇന്നും തൊഴിലില്ലായ്മ വേതനം വിതരണം ചെയ്യപ്പെടുകയാണെന്നും മന്ത്രി പറഞ്ഞു.
ഇക്കാര്യം പുന:പരിശോധിക്കും. തൊഴിലില്ലായ്മ വേതനത്തിന് യഥാര്ത്ഥത്തില് അര്ഹരായവരെ കണ്ടെത്തും. മാത്രമല്ല, തൊഴിലില്ലായ്മ വേതനം ഇനിയും അനന്തമായി നീട്ടിക്കൊണ്ടു പോകാന് കഴിയില്ലെന്നും മന്ത്രി പറഞ്ഞു. ഇക്കാര്യത്തിലും ഒരു പഠനം നടത്തേണ്ടത് അത്യാവശ്യമാണെന്നും അദ്ദേഹം അറിയിച്ചു.