കേരളത്തില്‍ നിന്ന് 7000 ഹജ്ജ് തീര്‍ഥാടകര്‍

ദില്ലി: കേരളത്തില്‍ നിന്ന് ഈ വര്‍ഷം 7000 പേര്‍ ഹജ്ജ് തീര്‍ഥാടനത്തിനായി പോകുമെന്ന് മുസ്ലിം ലീഗ് അഖിലേന്ത്യാ സെക്രട്ടറി ഇ. അഹമ്മദ് എംപി അറിയിച്ചു.

വിമാനക്കൂലിയില്‍ എല്ലാ വര്‍ഷവും അനുവദിക്കുന്ന ഇളവ് ഇത്രയുമുണ്ടാവുമെന്ന് വ്യോമയാനമന്ത്രി ഷാനവാസ് ഹുസൈന്‍ ഉറപ്പുതന്നതായി അഹമ്മദ് അറിയിച്ചു. ഷാനവാസ് ഹുസൈനെ സന്ദര്‍ശിച്ചതിനു ശേഷം ഒക്ടോബര്‍ 31 ബുധനാഴ്ച വാര്‍ത്താ ലേഖകരോട് സംസാരിക്കുകയായിരുന്നു അഹമ്മദ്.

ഹജ്ജ് നടത്തുന്നവരുടെ വിമാനക്കൂലിയിലെ ഇളവ് എടുത്തുകളയുമെന്ന പ്രചാരണം അടിസ്ഥാനരഹിതമാണെന്ന് മന്ത്രി വ്യക്തമാക്കിയതായി അഹമ്മജദ് അറിയിച്ചു.

കോഴിക്കോട് വിമാനത്താവളത്തില്‍ നിന്ന് എയര്‍ ഇന്ത്യ ഹജ്ജ് സര്‍വീസ് നടത്തും. ഇന്ത്യയില്‍ നിന്നുള്ള തീര്‍ഥാടകരെ ഹജ്ജിനായി കൊണ്ടുപോവുന്നത് എയര്‍ ഇന്ത്യയും സൗദി എയര്‍ലൈന്‍സുമാണ്.