കോണ്ഗ്രസ് പ്രകടനത്തിനു നേരെ ലാത്തിച്ചാര്ജ്ജ്
തിരുവനന്തപുരം: കോഴിക്കോട് ഡിസിസി പ്രസിഡന്റ് വീരാന്കുട്ടിയെ പൊലീസ് അറസ്റം ചെയ്തതില് പ്രതിഷേധിച്ച് നവംബര് രണ്ട് വെള്ളിയാഴ്ച നടത്തിയ യുഡിഎഫ് പ്രകടനം പലയിടത്തും അക്രമാസക്തമായി. അക്രമം കാട്ടിയ കോണ്ഗ്രസ് പ്രവര്ത്തകര്ക്കുനേരെ പലയിടത്തും പൊലീസ് ലാത്തിവീശി.
ചിറയിന്കീഴില് യുഡിഎഫ് പ്രവര്ത്തകര് പൊലീസ് സ്റേഷനിലേക്ക് അതിക്രമിച്ചുകയറിയതായി പൊലീസ് പറയുന്നു. നൂറോളം യുഡിഎഫ് പ്രവര്ത്തകരാണ് ഇവിടെ പ്രകടനത്തിലുണ്ടായിരുന്നത്. ഇവര് പൊലീസിനു നേരെ കല്ലെറിയുകയും പൊലീസ് സ്റേഷനിലേക്ക് അതിക്രമിച്ചു കയറുകയും ചെയ്തെന്ന് പൊലീസ് പറയുന്നു. തുടര്ന്ന് പൊലീസ് ഇവര്ക്കെതിരെ ലാത്തിച്ചാര്ജ്ജ് നടത്തി. ഒട്ടേറെ പ്രവര്ത്തകര്ക്ക് പരിക്കേറ്റു.
നെയ്യാറ്റിന്കരയില് പ്രകടനം കുറേക്കൂടി അക്രമാസക്തമായി. പൊലീസ്സ്റേഷനെതിരെ കല്ലേറ് മാത്രമല്ല, പടക്കമേറും ഉണ്ടായി. ഇവിടെയും പൊലീസ് കോണ്ഗ്രസ് പ്രവര്ത്തകര്ക്കു നേരെ ലാത്തിച്ചാര്ജ്ജ് നടത്തി. ഇപ്പോഴും സംഘര്ഷം നിലനില്ക്കുന്നതിനാല് ഇവിടെ കൂടുതല് പൊലീസുകാരെ നിയോഗിച്ചിരിക്കുകയാണ്.