മണിച്ചന് കമ്മിഷന് മൊഴി നല്കി
തിരുവനന്തപുരം: കല്ലുവാതുക്കല് മദ്യദുരന്തക്കേസിനെ കുറിച്ച് അന്വേഷിക്കുന്ന ജസ്റിസ് മോഹന്കുമാര് കമ്മിഷന് മുമ്പില് കേസിലെ ഏഴാം പ്രതി മണിച്ചന് മൊഴിനല്കി.
കേസില് തന്നെ പ്രതിയാക്കില്ലെന്ന് ചില പൊലീസ് ഉദ്യോഗസ്ഥര് നേരത്തെ തനിക്ക് ഉറപ്പുതന്നിരുന്നതായി മണിച്ചന് കമ്മിഷനോട് പറഞ്ഞു. വിഷം ചേര്ത്ത മദ്യം നല്കിയത് അനില്കുമാറാണ്. പിന്നീട് മുന് മുഖ്യമന്ത്രിയുടെ പ്രൈവറ്റ് സെക്രട്ടറിയായിരുന്ന പി. ശശിയെ കണ്ടപ്പോള് തന്നോട് പണം ആവശ്യപ്പെട്ടു.
മണിച്ചന്റെ സഹോദരി കമ്മിഷന് നല്കിയ പരാതിയുടെ അടിസ്ഥാനത്തിലാണ് മണിച്ചനോട് മൊഴി നല്കാന് കമ്മിഷന് ആവശ്യപ്പെട്ടത്.
അര്ശസ് രോഗിയായ മണിച്ചന് അധികനേരം ഇരിക്കാനാവില്ലെന്നും അതുകൊണ്ട് മൊഴിയെടുക്കുന്നതില് നിന്ന് ഒഴിവാക്കണമെന്നും മണിച്ചന്റെ അഭിഭാഷകന് നേരത്തെ കമ്മിഷനോട് അപേക്ഷിച്ചിരുന്നു. കമ്മിഷന് മണിച്ചനെ വിളിച്ചുവരുത്തി നേരിട്ട് ഇതേ പറ്റി ചോദിച്ചപ്പോള് മൊഴി നല്കാന് തടസമൊന്നുമില്ലെന്നാണ് മണിച്ചന് പറഞ്ഞത്.