ധന്വന്തരി അവാര്‍ഡ് വാരിയര്‍ക്ക് നല്‍കി

മുംബൈ: ഈ വര്‍ഷത്തെ ധന്വന്തരി അവാര്‍ഡ് പി. കെ. വാരിയര്‍ക്ക് മഹാരാഷ്ട്ര ഗവര്‍ണര്‍ ഡോ. പി. സി. അലക്സാണ്ടര്‍ നല്‍കി.

നവംബര്‍ നാല് ഞായറാഴ്ച മുംബൈയില്‍ നടന്ന ലളിതമായ ചടങ്ങില്‍ വെച്ചാണ് അവാര്‍ഡ് ദാനം നടന്നത്.

ആയുര്‍വേദവും ആധുനിക വൈദ്യശാസ്ത്രവും, മഹാത്മാഗാന്ധി: സമാധാനത്തിലേക്കും സ്നേഹത്തിലേക്കും ആത്യന്തിക തീര്‍ഥാടനം എന്നീ പുസ്തകങ്ങള്‍ ചടങ്ങില്‍ അലക്സാണ്ടര്‍ പ്രകാശനം ചെയ്തു.

കേന്ദ്ര ഊര്‍ജ സഹമന്ത്രി ജയ്വന്തിബെന്‍ മേത്ത, കോണ്‍ഗ്രസ് നേതാവ് സുനില്‍കുമാര്‍ ഷിണ്ഡെ, മുംബൈ വൈസ് ചാന്‍സലര്‍ ഡോ. ബാലചന്ദ്ര മുങ്കേകര്‍ തുടങ്ങിയവരും ചടങ്ങില്‍ പങ്കെടുത്തു.