കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സാമൂഹ്യ സുരക്ഷാ നമ്പര്‍ വരുന്നു

  • By Staff
Google Oneindia Malayalam News

ദില്ലി: അസംഘടിത മേഖലയിലെ തൊഴിലാളികള്‍ക്കും സ്വയം തൊഴില്‍ ചെയ്യുന്നവര്‍ക്കും സാമൂഹ്യസുരക്ഷാ നമ്പര്‍ കൊണ്ടുവരാന്‍ കേന്ദ്രസര്‍ക്കാര്‍ ഉദ്ദേശിക്കുന്നു.

2002 ജനവരിയോടെ ഇത് നടപ്പാക്കുകയാണ് ലക്ഷ്യം. അസംഘടിത മേഖലയിലുള്ളവര്‍ക്ക് പെന്‍ഷന്‍ നല്‍കുകയെന്ന ലക്ഷ്യം വച്ചാണിത്. ഇതനുസരിച്ച് കോണ്‍ട്രാക്ട് തൊഴിലാളികള്‍, സ്വകാര്യ വ്യാപാരികള്‍, സ്വകാര്യ സേവനരംഗത്ത് പ്രവര്‍ത്തിക്കുന്നവര്‍ എന്നീ വിഭാഗങ്ങളില്‍ പെടുന്നവര്‍ക്ക് പെന്‍ഷന്‍ ആനുകൂല്യം ലഭിക്കും.

സര്‍ക്കാരിന്റെ കീഴിലുള്ള എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷനായിരിക്കും പെന്‍ഷന്റെ ചുമതല. ഏഷ്യന്‍ വികസന ബാങ്കിന്റെ സാങ്കേതിക സഹായത്തോടെയായിരിക്കും പെന്‍ഷന്‍ പദ്ധതി നടപ്പിലാക്കുക. പെന്‍ഷന്‍ തുക സ്വീകരിക്കലും പദ്ധതി നടത്തിപ്പും സുഗമമാക്കാനായാണ് പദ്ധതിയുടെ കീഴില്‍ വരുന്നവര്‍ക്ക് സാമൂഹ്യസുരക്ഷാ നമ്പര്‍ നല്കുന്നത്.

2001 ഡിസംബറോടെ തന്നെ സാമൂഹ്യസുരക്ഷാ നമ്പര്‍ സംവിധാനം ഏര്‍പ്പെടുത്തും. വികസിത രാജ്യങ്ങളില്‍ നിലനില്ക്കുന്ന തരത്തിലായിരിക്കും സാമൂഹ്യ സുരക്ഷിതത്വ നമ്പര്‍ നല്കുക. നികുതിദായകര്‍ക്ക് ഇന്‍കം ടാക്സുകാര്‍ നല്കുന്ന പാന്‍ നമ്പര്‍ കൂടി ഉള്‍പ്പെടുത്തിയായിരിക്കും സാമൂഹ്യസുരക്ഷാ നമ്പര്‍ നല്കുക. ഈ പദ്ധതി കൂടി നടപ്പിലാക്കുന്നതോടെ സര്‍ക്കാരിന്റെ പെന്‍ഷന്‍ പദ്ധതിക്കു കീഴിലുള്ളവരുടെ എണ്ണം മൂന്നു കോടിയില്‍ നിന്നും അഞ്ചു കോടിയായി കൂടും.

100 കോടി വരുന്ന ജനസംഖ്യയുടെ 11 ശതമാനത്തിന് മാത്രമേ എംപ്ലോയ്മെന്റ് പ്രൊവിഡന്റ് ഫണ്ട് ഓര്‍ഗനൈസേഷന് സേവനം നല്കാന്‍ ഇപ്പോള്‍ കഴിയുന്നുള്ളൂ. പക്ഷെ അസംഘടിത തൊഴില്‍ മേഖലയിലേക്ക് കൂടി കടക്കുന്നതോടെ എംപ്ലോയ്മെന്റ് പ്രൊവിഡന്റ് ഫണ്ട് ഓര്‍ഗനൈസേഷന്റെ സേവനപരിധി വര്‍ധിക്കും. സ്വകാര്യ ഇന്‍ഷൂറന്‍സ് കമ്പനികള്‍, മ്യൂച്വല്‍ ഫണ്ട്, സ്വകാര്യ ബാങ്കുകള്‍ എന്നിവയില്‍ നിന്നുള്ള മത്സരത്തെ നേരിടാന്‍ കൂടിയാണ് ഈ പുതിയ പെന്‍ഷന്‍ പദ്ധതി.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X