കാര്യങ്ങൾ അതിവേഗം അറിയാൻ
For Daily Alerts
വകുപ്പുസെക്രട്ടറിമാര്ക്ക് സ്ഥാനചലനം
തിരുവനന്തപുരം: വിവിധ വകുപ്പുകളിലെ പ്രിന്സിപ്പല് സെക്രട്ടറിമാരെ മാറ്റിനിയമിക്കാന് മന്ത്രിസഭായോഗം തീരുമാനിച്ചു. നവംബര് ഏഴ് ബുധനാഴ്ച ചേര്ന്ന മന്ത്രിസഭായോഗത്തിലാണ് ഈ തീരുമാനം.
ഗതാഗതപ്രിന്സിപ്പല് സെക്രട്ടറി എന്. രാമകൃഷ്ണനെ പൊതുവിദ്യാഭ്യാസ പ്രിന്സിപ്പല് സെക്രട്ടറിയായി മാറ്റിനിയമിച്ചു. കെ.കെ. വിജയകുമാറിനെ ഫിഷറീസ് പ്രിന്സിപ്പല് സെക്രട്ടറിയായി നിയമിച്ചു.
രമാസിംഗായിരിക്കും പുതിയ ഗ്രാമവികസന, രജിസ്ട്രേഷന് പ്രിന്സിപ്പല് സെക്രട്ടറി. എന്. ചന്ദ്രശേഖരന് നായര് ആരോഗ്യ-ഗതാഗതവകുപ്പുകളുടെ പ്രിന്സിപ്പല് സെക്രട്ടറിയാകും.
ടിങ്കുബിസ്വാളിനെ ടൂറിസം ഡയറക്ടറായും സെന്തില് ശ്രീനിവാസനെ സിവില് സപ്ലൈസ് കോര്പ്പറേഷന് ജനറല് മാനേജരായും നിയമിച്ചു.
Comments
Story first published: Wednesday, November 7, 2001, 5:30 [IST]