ഇന്ത്യന്‍ എയര്‍ലൈന്‍സിന് 250 കോടി നഷ്ടം

ദുബായ് : ഈ സാമ്പത്തികവര്‍ഷത്തില്‍ ഇന്ത്യന്‍ എയര്‍ലൈന്‍സിന് 250 കോടിയുടെ നഷ്ടം . ആഗോളസാമ്പത്തികമാന്ദ്യവും ലാഭകരമല്ലാത്ത റൂട്ടുകളില്‍ സര്‍വീസ് നടത്തുന്നതും കൊളംബോ വിമാനത്താവളത്തിലെ ഭീകരാക്രമണത്തെ തുടര്‍ന്ന് ഇന്‍ഷൂറന്‍സ് തുക ഉയര്‍ത്തിയതും നഷ്ടത്തിന് കാരണങ്ങളായി ചൂണ്ടിക്കാണിക്കപ്പെടുന്നു.

അതേ സമയം ജീവനക്കാരെ വെട്ടിക്കുറക്കുന്ന പ്രശ്നമില്ലെന്ന്ഇന്ത്യന്‍ എയര്‍ലൈന്‍സ് ചെയര്‍മാന്‍ സുനില്‍ അറോറ പറഞ്ഞു. ഇന്ത്യയിലെ ആഭ്യന്തരവിമാനസര്‍വീസ് രംഗത്തെ ആകെ വരുമാനത്തില്‍ ഇന്ത്യന്‍ എയര്‍ലൈന്‍സിന്റെ പങ്ക് 56 ശതമാനമായി ഉയര്‍ന്നിട്ടുണ്ട്. 1999ല്‍ ഇത് വെറും 42 ശതമാനമായിരുന്നു.

ഇന്ത്യന്‍എയര്‍ലൈന്‍സിനെ സ്വകാര്യവല്ക്കരിക്കാനുള്ള കേന്ദ്രസര്‍ക്കാര്‍ നീക്കം പരാജയപ്പെട്ടെങ്കിലും കമ്പനിയുടെ പ്രവര്‍ത്തനം കാര്യക്ഷമമാക്കാന്‍ കാര്യമായ ശ്രമം നടക്കുകയാണ്. ഇതിന്റെ ഭാഗമായി ചെലവുകള്‍ വെട്ടിച്ചുരുക്കും. ഇന്ത്യന്‍ എയര്‍ലൈന്‍സിന്റെ സേവനങ്ങളുടെ ഗുണനിലവാരം വര്‍ദ്ധിപ്പിക്കും. - അറോറ പറഞ്ഞു.