പെട്രോള്, ഡീസല് വില കൂടും
ദില്ലി: ഡീസല്, പെട്രോള് വില കൂടും. രാജ്യത്ത് ഡീസല്, പെട്രോള് ഡീലര്മാരുടെ കമ്മിഷന് വര്ധിപ്പിച്ചതിനാലാണ് ഇത് . ലിറ്ററിന് 13.5 പൈസയാണ് പെട്രോളിന് കമ്മിഷന് കൂട്ടിയത്. ഡീസലിന് ലിറ്ററിന് 8.8 പൈസയും.
എല്പിജി ഡീലര്മാരുടെ കമ്മിഷനും കൂട്ടി. ഒരു സിലിണ്ടറിന് 1.02 രൂപയാണ് വര്ധിപ്പിച്ചിരിക്കുന്നത്. നവംബര് ഒമ്പത് വെള്ളിയാഴ്ച അര്ധരാത്രിയോടെ പുതിയ കമ്മീഷന് നിരക്ക് നിലവില് വരും. ഡീലര്മാരുടെ പെട്രോളിനുള്ള കമ്മിഷന് ലിറ്ററിന് 61.3 പൈസയും ഡീസലിന് ലിറ്ററിന് 36.5 പൈസയുമാവും.
ദില്ലിയില് പെട്രോളിന്റെ വില 28.94 രൂപയായും ഡീസലിന്റെ വില 17.18 രൂപയായും വര്ധിക്കും. എല്പിജിയുടെ വില സിലിണ്ടറിന് 223.30 രൂപയാവും.
മുബൈയില് പെട്രോള് വില ലിറ്ററിന് 31.90 രൂപയും ചെന്നൈയില് 30.67 രൂപയും കൊല്ക്കത്തയില് 29.21 രൂപയുമാവും. ഡീസലിന് മുംബൈയില് 20.79 രൂപയും ചെന്നൈയില് 18.65 രൂപയും കൊല്ക്കത്തയില് 17.54 രൂപയുമാവും.
എല്പിജി സിലിണ്ടറിന്റെ വില മുംബൈയില് 226.70 രൂപയും ചെന്നൈയില് 229.70 രൂപയും കൊല്ക്കത്തയില് 246.65 രൂപയായും വര്ധിക്കും.