വടക്കന്‍സേന മസാര്‍-എ-ശെരീഫ് പിടിച്ചു

കാബൂള്‍: താലിബാന്റെ പ്രധാനകേന്ദ്രമായ മസാര്‍-എ-ശെരീഫ് പിടിച്ചെടുത്തതായി വടക്കന്‍ സേന അവകാശപ്പെട്ടു. പ്രധാന വാര്‍ത്താഏജന്‍സിയായ എഎഫ്പി അവകാശപ്പെട്ടതാണ് ഇക്കാര്യം.

തുടര്‍ന്ന് ടിവിചാനലായ സിഎന്‍എന്നും ഇക്കാര്യം റിപ്പോര്‍ട്ട് ചെയ്തു. വടക്കന്‍ സേനയുടെ നേതാവ് ജനറല്‍ രുസ്തത്തെ ഉദ്ധരിച്ചാണ് സിഎന്‍എന്‍ ഇക്കാര്യം റിപ്പോര്‍ട്ട് ചെയ്തത്.

മസാര്‍-എ-ശെരീഫ് പൂര്‍ണ്ണമായും പിടിച്ചെടുത്തെന്നും രണ്ടുമണിക്കൂറായി താലിബാന്റെ ഭാഗത്ത് നിന്ന് പ്രതികരണമൊന്നുമുണ്ടായിട്ടില്ലെന്നും ജനറല്‍ രുസ്തം പറഞ്ഞു. അതേ സമയം പെന്റഗണ്‍ വൃത്തങ്ങള്‍ ഇക്കാര്യം സ്ഥിരീകരിച്ചിട്ടില്ല.