ദുരന്തത്തില്‍ നിയമസഭ അനുശോചിച്ചു

തിരുവനന്തപുരം : 38പേരുടെ ജീവന്‍ കവര്‍ന്ന അമ്പൂരി ദുരന്തത്തില്‍ കേരള നിയമസഭ അനുശോചനം രേഖപ്പെടുത്തി. ദു:ഖസൂചകമായി സഭ ഒരു മിനിറ്റ് മൗനമാചരിച്ചു.

നവമ്പര്‍ 12 തിങ്കളാഴ്ച രാവിലെ സഭ സമ്മേളിച്ചയുടനെ സ്പീക്കര്‍ വക്കം പുരുഷോത്തമന്‍ അനുശോചന പ്രമേയം അവതരിപ്പിച്ചു. അടുത്തകാലത്ത് കേരളം കണ്ട ഏറ്റവും വലിയ ദുരന്തമാണ് അമ്പൂരിയില്‍ ഉണ്ടായതെന്ന് അദ്ദേഹം പറഞ്ഞു.

പ്രകൃതി ദുരന്തങ്ങള്‍ കൈകാര ്യം ചെയ്യുന്നതിന് ദീര്‍ഘകാലാടിസ്ഥാനത്തിലുള്ള പദ്ധതികള്‍ നടപ്പാക്കുന്നതിന്റെ അനിവാര ്യത അമ്പൂരി ഓര്‍മ്മിപ്പിക്കുന്നുവെന്ന് തുടര്‍ന്ന് സംസാരിച്ച മുഖ്യമന്ത്രി എ കെ ആന്റണി പറഞ്ഞു.

അപകടമേഖലയില്‍ താമസിക്കുന്ന ജനങ്ങള്‍ക്ക് ഫലപ്രദമായ മുന്നറിയിപ്പ് നല്‍കുന്ന സംവിധാനം ആവിഷ്കരിക്കാന്‍ സര്‍ക്കാര്‍ മുന്‍കൈയെടുക്കണമെന്ന് പ്രതിപക്ഷനേതാവ് വ ി.എസ്. അച്യുതാനന്ദന്‍ ആവശ്യപ്പെട്ടു. ദുരന്തത്തിനരയായവര്‍ നേരിട്ട യഥാര്‍ത്ഥനഷ്ടംകണക്കാക്കി സര്‍ക്കാര്‍ നഷ്ടപരിഹാരം നല്‍കമെന്ന് സ്ഥലം എംഎല്‍എ തമ്പാനൂര്‍ രവി ആവശ്യപ്പെട്ടു.