മന്ത്രി കുട്ടപ്പന് വേറെ വകുപ്പു നല്കണം: കരുണാകരന്
തിരുവനന്തപുരം: ഹരിജനക്ഷേമവകുപ്പ് മന്ത്രി ഡോ.എം.എ. കുട്ടപ്പന് മറ്റേതെങ്കിലും വകുപ്പ് നല്കണമെന്ന് മുഖ്യമന്ത്രി കെ. കരുണാകരന്. പകരം ഈ വകുപ്പ് മുഖ്യമന്ത്രി ആന്റണി ഏറ്റെടുക്കണമെന്നും അദ്ദേഹം പറഞ്ഞു.
ക്ഷേത്രപ്രവേശനവിളംബരത്തിന്റെ 66-ാം വാര്ഷികത്തോടനുബന്ധിച്ച് നവമ്പര് 12 തിങ്കളാഴ്ച ചേര്ന്ന യോഗത്തില് സംസാരിക്കുകയായിരുന്നു അദ്ദേഹം. പകരം കുട്ടപ്പന് മറ്റേതെങ്കിലും വകുപ്പ് നല്കണമെന്നും കരുണാകരന് അഭിപ്രായപ്പെട്ടു.
മുഖ്യമന്ത്രി എ.കെ. ആന്റണി കൂടി പങ്കെടുത്ത ഈ യോഗത്തില് ഹരിജനക്ഷേമവകുപ്പ് മന്ത്രി ഡോ.എം.എ. കുട്ടപ്പന് അധ്യക്ഷനായിരുന്നു. ഹരിജനവകുപ്പ് ആ സമുദായത്തില്പെട്ടയാളെത്തന്നെ ഏല്പിക്കണമെന്ന കീഴ്വഴക്കം വേണ്ട. മറ്റേതൊരു വകുപ്പും നന്നായി കൈകാര്യം ചെയ്യാനുള്ള കഴിവ് കുട്ടപ്പനുണ്ട്. - കരുണാകരന് പറഞ്ഞു. എന്നാല് പിന്നീട് പ്രസംഗിച്ച മുഖ്യമന്ത്രി ആന്റണി ഇതിനെപ്പറ്റി മറുപടിയൊന്നും പറഞ്ഞില്ല.
എ ഗ്രൂപ്പുകാരനാണ് ഡോ.എം.എ. കുട്ടപ്പന്. മുഖ്യമന്ത്രിയായിരുന്ന സമയത്ത് കരുണാകരന് നേരിട്ട് കൈകാര്യം ചെയ്തിരുന്നപ്പോഴാണ് ഹരിജനക്ഷേമവകുപ്പിന് മാന്യതയുണ്ടായിരുന്നതെന്ന നേരത്തെ കുട്ടപ്പന് നടത്തിയ അഭിപ്രായം വിവാദമായിരുന്നു.