മതംമാറ്റത്തിനുപിന്നില്‍ മിഷനറിമാര്‍:വി എച്ച്പി

തിരുവനന്തപുരം :ദില്ലിയില്‍ നടന്ന ദളിതരുടെ കൂട്ട മതം മാറ്റത്തിനു പിന്നില്‍ ക്രിസ്ത്യന്‍ മിഷനറിമാരാണെന്ന് വിശ്വ ഹിന്ദു പരിഷത്ത് . വി എച്ച് പി ഓര്‍ഗനൈസിംഗ് സെക്രട്ടറി കുമ്മനം രാജശേേഖരന്‍ നവമ്പര്‍ 13 ചൊവാഴ്ച പ്രധാനമന്ത്രിക്കയച്ച അഭ്യര്‍ത്ഥനയിലാണ് ഈ ആരോപണമുന്നയിച്ചത്.

ഈ സംഘടനകളെ നിരോധിക്കണമെന്ന് അദ്ദേഹം പ്രധാനമന്ത്രിയോടാവശ്യപ്പെട്ടു. 25,000 ദളിതരാണ് നവമ്പര്‍ നാലിന് കൂട്ടത്തോടെ ബുദ്ധമതത്തില്‍ ചേര്‍ന്നത്. ഭാവിയില്‍ ക്രിസ്ത്യന്‍ മതത്തിലേക്ക് ചേരുന്നതിന് മുന്നോടിയാണ് ഈ ബുദ്ധമതത്തിലേക്കുള്ള കൂട്ടമതംമാറ്റമെന്നും അദ്ദേഹം അഭ്യര്‍ത്ഥനയില്‍ പറയുന്നു.

അഖിലേന്ത്യാ ക്രിസ്ത്യന്‍ കൗണ്‍സിലിന്റെ പിന്തുണയോടെ കേരളത്തില്‍ പ്രവര്‍ത്തിക്കുന്ന ഗോസ്പല്‍ ഫോര്‍ ഏഷ്യയാണ് സംഭവത്തിനു പിന്നിലെന്ന് കുമ്മനം ആരോപിച്ചു. രാജ്യത്തിന്റെ ഐക്യവും സുരക്ഷയും തകര്‍ക്കുന്ന ഛിദ്രശക്തികള്‍ക്കെതിരെ കരുതിയിരിക്കണം.- അഭ്യര്‍ത്ഥനയില്‍ പറയുന്നു.