ഗിബ്സിന് സെഞ്ച്വറി; ദക്ഷിണാഫ്രിക്ക അഞ്ചിന് 237
പോര്ട്ട് എലിസബത്ത്: ഇന്ത്യയ്ക്കെതിരായ രണ്ടാം ക്രിക്കറ്റ് ടെസ്റിന്റെ ആദ്യദിവസം ദക്ഷിണാഫ്രിക്ക അഞ്ച് വിക്കറ്റ് നഷ്ടത്തില് 237 റണ്സെടുത്തു. ബൗളര്മാരെ തുണക്കുന്ന പിച്ചില് ഇന്ത്യന് ബൗളര്മാര് നന്നായി പന്തെറിഞ്ഞെങ്കിലും ഓപ്പണര് ഹര്ഷേല ഗിബ്സിന്റെ ഉജ്വലമായ ഇന്നിംഗ്സാണ് ദക്ഷിണാഫ്രിക്കയെ തകര്ച്ചയില് നിന്ന് രക്ഷിച്ചത്.
ഗിബ്സ് പുറത്താവാതെ നേടിയ 155 റണ്സിന്റെ സെഞ്ച്വറി ഇന്ത്യയുടെ മികച്ച ബൗളിംഗിനെ അതിജീവിച്ച് ദക്ഷിണാഫ്രിക്കയുടെ സ്കോറുയര്ത്താന് സഹായിച്ചു. മറ്റ് ബാറ്റ്സ്മാന്മാരെ ഏറെ ആയാസപ്പെടാതെ പുറത്താക്കുന്നതില് വിജയിച്ച ശ്രീനാഥിനും മറ്റും ഗിബ്സിന്റെ ഇന്നിംഗ്സ് അവസാനിപ്പിക്കാനായില്ല.
ഗാരി കേസ്റന് (നാല്), ജാക്വസ് കാലിസ് (24), മക്കെന്സി (12), ഡിപ്പനര് (29), ലാന്സ് ക്ലുസ്നര് (ഒമ്പത്) എന്നിവരാണ് പുറത്തായ മറ്റ് ബാറ്റ്സ്മാന്മാര്.
ശ്രീനാഥാണ് ഇന്ത്യയ്ക്കു വേണ്ടി മികച്ച ബൗളിംഗ് കാഴ്ച വെച്ചത്. 22 ഓവറില് 51 റണ്സിന് ശ്രീനാഥ് മൂന്ന് വിക്കറ്റെടുത്തു. ഹര്ബജന് സിംഗും അഗാര്ക്കറും ഓരോ വിക്കറ്റ് വീഴ്ത്തി.