ആന്റണി സര്‍ക്കാര്‍ പരാജയം: ബിജെപി

തിരൂര്‍: ആന്റണി സര്‍ക്കാരിന്റെ ആറുമാസത്തെ ഭരണം പരാജയമാണെന്ന് ബിജെപി സംസ്ഥാനസമിതി ആരോപിച്ചു. നവമ്പര്‍ 19 തിങ്കളാഴ്ച സംസ്ഥാനസമിതി പുറത്തിറക്കിയ വാര്‍ത്താക്കുറിപ്പിലാണ് ഈ ആരോപണം.

കേരളത്തിലെ ക്രമസമാധാനം തകര്‍ന്നു. കേരളത്തില്‍ തീവ്രവാദം വളര്‍ത്താനാണ് ആന്റണി സര്‍ക്കാര്‍ ശ്രമിക്കുന്നത്. ഭീകരവാദത്തെ തടയാനുള്ള ഓര്‍ഡിനന്‍സിനെ ആന്റണി എതിര്‍ത്തതില്‍ നിന്നുതന്നെ ഇക്കാര്യം വ്യക്തമാണ്. - ബിജെപി അഭിപ്രായപ്പെടുന്നു.

കോണ്‍ഗ്രസിനുള്ളിലും ഇടതുമുന്നണിയ്ക്കകത്തും അഭിപ്രായഭിന്നതകള്‍ രൂക്ഷമാവുകയാണ്. ബിജെപിയുടെ നേതൃത്വത്തില്‍ ഒരു മൂന്നാം മുന്നണി അത്യാവശ്യമാണെന്നാണ് ഇത് കാണിക്കുന്നതെന്നും ബിജെപി വാര്‍ത്താക്കുറിപ്പില്‍ വിശദമാക്കുന്നു.