ആന്റണി രാജിവയ്ക്കണം: സിപിഐ

കൊച്ചി: കടം മൂലം ആത്മഹത്യയിലേക്കുനീങ്ങുന്ന കര്‍ഷകരെ രക്ഷിക്കാന്‍ കഴിയാത്ത ആന്റണി മുഖ്യമന്ത്രിപദം ഒഴിയണമെന്ന് സിപിഐ നേതാവ് പി.കെ. വാസുദേവന്‍നായര്‍ ആവശ്യപ്പെട്ടു. നവമ്പര്‍ 20 ചൊവാഴ്ച കൊച്ചിയില്‍ നടന്ന സിപിഐ ഉപരോധസമരം ഉദ്ഘാടനം ചെയ്യുകയായിരുന്നു അദ്ദേഹം.

കേരളത്തില്‍ 40 ഓളം കേന്ദ്ര-സംസ്ഥാന സര്‍ക്കാര്‍ ഓഫീസുകള്‍ക്ക് മുന്നില്‍ ഉപരോധം നടന്നു. തിരുവനന്തപുരത്ത് സി പി ഐ സംസ്ഥാനജനറല്‍ സെക്രട്ടറി വെളിയം ഭാര്‍ഗവന്‍ ഉദ്ഘാടനം നിര്‍വഹിച്ചു. കേന്ദ്രം തുടരുന്ന ജനദ്രോഹനയങ്ങള്‍ കേരളം യാതൊരു എതിര്‍പ്പുമില്ലാതെ പിന്തുടരുകയാണെന്ന് വെളിയം പറഞ്ഞു.

പാലക്കാട് മുന്‍മന്ത്രി കെ.ഇ.ഇസ്മായിലും കണ്ണൂരില്‍ സംസ്ഥാന അസി.സെക്രട്ടറി പന്ന്യന്‍ രവീന്ദ്രനും ഉപരോധം ഉദ്ഘാടനം ചെയ്തു.