മുല്ലപ്പെരിയാര് ഡാമില് ചോര്ച്ച
കുമളി: ജലനിരപ്പ് കൂടിയതോടെ മുല്ലപ്പെരിയാര് ഡാമില് ചോര്ച്ച തുടങ്ങി. ഇപ്പോള് വള്ളം 133 അടി ഉയരത്തിലുണ്ട്. ഡാമിന്റെ ചുവരിലാണ് ചോര്ച്ച കാണുന്നത്. കഴിഞ്ഞ ഒരാഴ്ചയായി ഡാമിന്റെ മേഘലയില് കനത്ത മഴയാണ്.
കഴിഞ്ഞ ഒരാഴ്ചക്കുള്ളില് ഡാമിന്റെ ചുവരില് അഞ്ചു പുതിയ വിള്ളലുകള് പ്രത്യക്ഷപ്പെട്ടിട്ടുണ്ട്. ഇതില് നിന്നും ചോര്ച്ച ഉണ്ട്.
ഡാമിന്റെ പുറത്ത് സിമന്റ് കൊണ്ട് പ്ലാസ്റര് ചെയ്ത ഭാഗത്താണ് ചോര്ച്ച. ഡാമിന്റെ താഴ് ഭാഗത്തുള്ള 14-ാം ബ്ലോക്കിന്റെയും പതിനഞ്ചാം ബ്ലോക്കിന്റെയും ഇടയില് ഉണ്ടായിരിക്കുന്ന വിടവില് നിന്നാണ് ശക്തമായ ചോര്ച്ച. കഴിഞ്ഞ കൊല്ലം ഇതിന് മൂന്ന് അടി താഴെ നിന്ന് വെള്ളം ശക്തമായി വെള്ളം ചോര്ന്നിരുന്നു. തുടര്ന്ന് സിമന്റ് കൊണ്ട് പ്ലാസ്റര് ചെയ്തു.
ഡാമിന്റെ മുകളിലുള്ള എട്ടാം ബ്ലോക്കില് നാലു സ്ഥലത്ത് നിന്ന് ചോര്ച്ച ഉണ്ട്. പത്താം ബ്ലോക്കില് നിന്നും ചോര്ച്ച ഉണ്ട്.
ഇതിനിടെ മുല്ലപ്പെരിയാര് നദീജല പ്രശ്നത്തില് സംസ്ഥാനത്തിന്റെ നിലപാടുകളെകുറിച്ച് നവംബര് 22 വ്യാഴാഴ്ച തിരുവനന്തപുരത്ത് സര്വകക്ഷി യോഗം നടക്കുന്നുണ്ട്. അതില് ഡാമിലെ ചോര്ച്ച മുഖ്യ വിഷയമാവും.