• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

ജീവനക്കാരുടെ സമരം: പലയിടത്തും സംഘര്‍ഷം

  • By Staff

തിരുവനന്തപുരം: ക്ഷാമബത്ത കുടിശിക മരവിപ്പിച്ചതില്‍ പ്രതിഷേധിച്ച് സര്‍ക്കാര്‍ ജീവനക്കാരുടെ ഒരു വിഭാഗം സംഘടനകള്‍ പ്രഖ്യാപിച്ച സമരം പലയിടത്തും സംഘര്‍ത്തിനിടയാക്കി. തിരുവനന്തപുരത്ത് പിഎസ്സി ഓഫീസിലും സെക്രട്ടേറിയറ്റിന് മുന്നിലും സമരക്കാരും സമരം ചെയ്യാത്ത സര്‍ക്കാര്‍ അനുകൂല സംഘടനകളും തമ്മില്‍ സംഘര്‍ഷമുണ്ടായി.

രാവിലെ ഓഫീസില്‍ ജോലിചെയ്യാനെത്തിയ ജീവനക്കാരെ സമരക്കാര്‍ തടഞ്ഞതോടെയാണ് സംഘര്‍ഷമുണ്ടായത്. പൊലീസ് സമരക്കാരെ തടയാന്‍ ശ്രമിച്ചതോടെ ഉന്തുംതള്ളും തുടങ്ങി. ഒടുവില്‍ ഏറെ നേരം പണിപ്പെട്ടാണ് പൊലീസിന് ജോലിചെയ്യാന്‍ തയ്യാറായെത്തിയ ജീവനക്കാരെ ഓഫീസിലേക്ക് കടത്തിവിടാന്‍ കഴിഞ്ഞത്.

പൊലീസിനെ വിട്ട് സര്‍ക്കാര്‍ സമരത്തെ തകര്‍ക്കാന്‍ ശ്രമിക്കുകയാണെന്ന് എന്‍ജിഒ യൂണിയന്‍ നേതാവ് വരദരാജന്‍ ആരോപിച്ചു. എന്നാല്‍ സമരം ചെയ്യുന്നതുപോലെ സമരം ചെയ്യാതിരിക്കാനും ജീവനക്കാര്‍ക്ക് അവകാശമുണ്ടെന്ന് എന്‍ജിഒ അസോസിയേഷന്‍ നേതാവ് വിജയകുമാര്‍ പറഞ്ഞു.

എത്ര സമരം ചെയ്താലും ക്ഷാമബത്ത ഇപ്പോള്‍ നല്‍കാന്‍ കഴിയില്ലെന്ന് മുഖ്യമന്ത്രി എ കെ ആന്റണി നിയമസഭയില്‍ പറഞ്ഞു. എന്നാല്‍ ഈ സമരം സൂചനാ സമരമാണെന്നാണ് പണിമുടക്കുന്ന പ്രതിപക്ഷ സംഘടനകളുടെ നിലപാട്.

കേരളത്തിന്റെ സാമ്പത്തിക സ്ഥിതി മെച്ചപ്പെടുത്താനായി സര്‍ക്കാര്‍ ജീവനക്കാരും സഹകരിക്കണമെന്ന് ആന്റണി ആവശ്യപ്പെട്ടിട്ടുണ്ട്. ജീവനക്കാര്‍ക്ക് ക്ഷാമബത്ത കുടിശിക നല്‍കിയാല്‍ ഇപ്പോള്‍ സര്‍ക്കാര്‍ കര്‍ഷകര്‍ക്കായി നടത്താനുദ്ദേശിക്കുന്ന ക്ഷേമ പ്രവര്‍ത്തനങ്ങളൊന്നും നടത്താനാവില്ലെന്നും ആന്റണി വ്യക്തമാക്കിയുരുന്നു.

Oneindia യില് നിന്നും തല്സമയ വാര്ത്തകള്ക്ക്
ഉടനടി വാര്ത്തകള് ദിവസം മുഴുവന് ലഭിക്കാന്

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more