• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

എക്സൈസ് മര്‍ദ്ദനമേറ്റ് സ്ത്രീ മരിച്ചു

  • By Staff

മാഞ്ചേരി : ചാരായ റെയ്ഡിനിടെ എക്സൈസുകാരുടെ മര്‍ദ്ദനമേറ്റ് പട്ടികജാതി സ്ത്രീ മരിച്ചു. മഞ്ചേരി പത്തപ്പിരിയത്ത് പാണരു കുന്നുമ്മല്‍ പാലത്തി(43) യാണ് നവമ്പര്‍ 22 വ്യാഴാഴ്ച വൈകുന്നേരം തന്റെ കുടിലിനു മുന്നില്‍ മരിച്ചത്.

വൈകിട്ടു 4 30 നാണ് മഞ്ചേരി റെയിഞ്ചിലെ എക്സൈസുകാര്‍ പട്ടികജാതി കോളന്ിയില്‍ റെയിഡിനെത്തയത്. അപ്പോള്‍ പാലത്തി കുടിലിനുള്ളില്‍ തനിച്ചായിരുന്നു. റെയിഡിനിടയില്‍ ഈ കുടിലില്‍ നിന്നും നിലവിളി കേട്ടതായി അടുത്ത കുടിലിലെ സരോജിനി പറഞ്ഞു. സരോജിനി ഓടിയെത്തിയപ്പോള്‍ പാലത്തി നിലത്ത് വീണു കിടക്കുകയായിരുന്നു. നെഞ്ചിനിരുവശത്തു നിന്നും മൂക്കില്‍ നിന്നും രക്തം ഒലിച്ചിറങ്ങിയ പാടുണ്ട്.

പാലത്തിയുടെ അച്ഛന്‍ വലിയ രേവി അസുഖം മൂലം മഞ്ചേരി ആശുപത്രിയില്‍ ചികിത്സയിലാണ്. രണ്ടു സഹോദരന്മാരില്‍ മൂത്തയാള്‍ അച്ഛനൊപ്പം ആശുപത്രിയിലാണ്. അനിയന്‍ രവിയും ആശുപത്രിയിലേക്കു പോയശേഷമാണ് സംഭവം നടന്നത്.

റെയിഡിനിടയില്‍ പാലത്തി നിലത്തു വീണയുടനെ സ്ഥലം വിട്ട എക്സൈസുകാര്‍ ഡോക്ടറെയും കൂട്ടി മടങ്ങി വന്നു. എക്സൈസുകാര്‍ക്കൊപ്പമെത്തിയ മഞ്ചേരി ആശുപത്രിയിലെ ഡോ. വിജയരാഘവനാണ് പാലത്തിയുടെ മരണം സ്ഥിരീകരിച്ചത്.

മൃതദേഹം ആശുപത്രിയിലേയ്ക്ക് മാറ്റാന്‍ കോളനി നിവാസികള്‍ അനുവദിച്ചില്ല. ബഹളം വര്‍ദ്ധിച്ചപ്പോള്‍ എക്സൈസുകാര്‍ സ്ഥലം വിട്ടു. എടവണ്ണ പോലീസ് സ്റേഷനിലെത്തി റിപ്പോര്‍ട്ടു ചെയ്തതനുസരിച്ച് രണ്ടു പോലീസുകാര്‍ സ്ഥലത്തെത്തി. മൃതദേഹം നീക്കം ചെയ്യാന്‍ അവരെയും നാട്ടുകാര്‍ അനുവദിച്ചില്ല. രാത്രി എട്ടുമണിയോടുകൂടി മലപ്പുറം എസ് പി അനില്‍കാന്ത് സ്ഥലത്തെത്തിയാണ് മൃതദേഹം നീക്കം ചെയ്തത്.

ചെളളിയാണ് പാലത്തിയുടെ ഭര്‍ത്താവ്. മക്കളില്ല.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X