ലോക്കപ്പ് മരണമുണ്ടായാല് കൊലക്കേസ്
തിരുവനന്തപുരം: ലോക്കപ്പ് മരണമുണ്ടായാല് ഉത്തരവാദികളായ പൊലീസ് ഉദ്യോഗസ്ഥര്ക്കെതിരെ കൊലക്കുറ്റത്തിന് കേസെടുക്കാന് മുഖ്യമന്ത്രി എ. കെ. ആന്റണി ഡിജിപിക്ക് നിര്ദേശം നല്കി.
നവംബര് 25 ഞായറാഴ്ച വിളിച്ചുചേര്ത്ത പൊലീസ് ഉദ്യോഗസ്ഥരുടെ ഉന്നതതല യോഗത്തിലാണ് ആന്റണി ഇക്കാര്യമറിയിച്ചത്. ലോക്കപ്പ് മരണത്തെ കുറിച്ച് വ്യാപകമായ പരാതികള് ഉയര്ന്നിരിക്കുന്ന സാഹചര്യത്തില് പൊലിസിന്റെ പ്രവര്ത്തനത്തെ മുഖ്യമന്ത്രി യോഗത്തില് നിശിതമായി വിമര്ശിച്ചു.
ലോക്കപ്പ് മരണമുണ്ടായാല് കൊലക്കുറ്റത്തിന് കേസെടുക്കുമെന്നതും സംബന്ധിച്ച് താഴേ തലങ്ങളില് ഔദ്യോഗിക അറിയിപ്പ് നല്കാന് ഡിജിപിയോട് മുഖ്യമന്ത്രി നിര്ദേശിച്ചു.
ലോക്കപ്പ് മരണം ഇനിയുണ്ടാവാന് പാടില്ല. അറസ്റ്് സംബന്ധിച്ച് മനുഷ്യാവകാശ കമ്മിഷന്റെയും സുപ്രിം കോടതിയുടെയയും നിര്ദേശങ്ങള് പാലിച്ചുകൊണ്ടേ ആളുകളെ കസ്റഡിയിലെടുക്കാവൂ. അറസ്റ് രേഖപ്പെടുത്താതെ ആരെയും ലോക്കപ്പില് വെക്കരുത്.
സര്ക്കാരിന്റെ ആറ് മാസത്തെ ഭരണത്തിനുണ്ടായിരുന്ന സല്പേര് പൊലീസിന്റെ അതിക്രമങ്ങളിലൂടെ കളഞ്ഞുകുളിച്ചിരിക്കുകയാണ്. സര്ക്കാരിന്റെ പ്രതിഛായക്കാണ് ഈ സംഭവങ്ങള് കളങ്കം ചാര്ത്തിയത്. ആന്റണി പറഞ്ഞു.