സി. പി. ഐ - എം. എല്‍ - റെഡ് ഫ്ലാഗിനെ നിരോധിച്ചിട്ടില്ല

തിരുവനന്തപുരം: സി. പി. ഐ - എം. എല്‍ - റെഡ് ഫ്ലാഗിനെ പോട്ടോ നിയമപ്രകാര് നിരോധിച്ചിട്ടില്ലെന്ന് മുഖ്യമന്ത്രി എ. കെ. ആന്റണി നിയമസഭയില്‍ വ്യക്തമാക്കി. ഇതിനായി കേന്ദ്രത്തോട് ശുപാര്‍ശ ചെയ്തിട്ടുമില്ല.

കെ. പി. രാജേന്ദ്രന്‍ - സി. പി. ഐ ഉന്നയിച്ച സബ്മിഷന് മറുപടി പറയുകയായിരുന്നു മുഖ്യമന്ത്രി. നിയമവിരുദ്ധ സംഘടനകളുടെ കൂട്ടത്തിലും ഈ പാര്‍ട്ടിയെ സംസ്ഥാനം ഉള്‍പ്പെടുത്തിയിട്ടില്ല. കേന്ദ്രം സ്വമേധയാ നിരോധിച്ച സംഘടനകളുടെ കൂട്ടത്തില്‍ ഈ പാര്‍ട്ടി ഉണ്ടോയെന്ന് പരിശോധിക്കാമെന്നും മുഖ്യമന്ത്രി പറഞ്ഞു.

കഴിഞ്ഞ 15 വര്‍ഷമായി സി. പി. ഐ. - എം. എല്‍. റെഡ് ഫ്ലാഗ് ജനാധിപത്യ രീതികളനുസരിച്ചാണ് പ്രവര്‍ത്തിക്കുന്നതെന്ന് കെ. പി. രാജേന്ദ്രന്‍ പറഞ്ഞു.