സോഫ്റ്റ്വേര് കമ്പനികള്ക്ക് വീണ്ടും സുവര്ണകാലം?
ചെന്നൈ: സോഫ്റ്റ്വേര് കമ്പനികള്ക്ക് വീണ്ടും നല്ലകാലം വരുന്നോ? അങ്ങനെയാണ് ചിലരുടെ കണ്ടെത്തലല്. വൈ 2 കെ പ്രശ്നം ഉണ്ടായിരുന്ന കാലത്തേതുപോലെ ഇന്ത്യയിലേക്ക് സോഫ്റ്റ്വേര് ജോലികള് എത്തുമെന്നാണ് ലേസര് സോഫ്റ്റ് ഇന്ഫൊ സിസ്റം എന്ന കമ്പനിയുടെ ഉന്നത ഉദ്വോഗസ്ഥര് പറയുന്നത്.
യു. എസിലുണ്ടായ തീവ്രവാദി ആക്രമണമാണത്രെ ഇതിന് കാരണം. വേള്ഡ് ട്രേഡ് സെന്ററില് പ്രവര്ത്തിച്ചിരുന്ന പല കമ്പനികള്ക്കും അവരുടെ കംപ്യൂട്ടര് സെര്വറുകളിലുണ്ടായിരുന്ന വിലയേറിയ വിവരങ്ങള് നഷ്ടമായിട്ടുണ്ട്. ഇവയ്ക് പലതിനും ബാക്ക് അപ്പ് ഉണ്ടായിരുന്നുമില്ല. ഇതാണ് കൂടതല് തൊഴില് സാദ്ധ്യതയ്ക് വഴി തെളിക്കുന്നതെന്ന് ലേസര് സോഫ്റ്റിന്റെ ചെയര്മാന് ബി. എസ്. കമ്മത്ത് പറയുന്നു.
മാത്രമല്ല ഇപ്പോള് ഒറ്റ സെര്വര് മാത്രം ഉപയോഗിക്കുന്ന കമ്പനികളും ബാക്ക് അപ്പ് സെര്വറുകള് ഉണ്ടാക്കാന് സാദ്ധ്യതയുണ്ട്. വേള്ഡ് ട്രേഡ് സെന്ററിന്റെ ആക്രമണത്തില് മറ്റു കമ്പനികള്ക്ക് ഉണ്ടായത് തങ്ങള്ക്ക് ഉണ്ടാവാതിരിക്കാനായാണ് ഇത്.
അടുത്ത വര്ഷംമുതല് കരാറുകള് കിട്ടിതുടങ്ങും. ഇപ്പോഴത്തെ സാമ്പത്തിക സ്ഥിതി വളരെ മോശമായതുകൊണ്ടാണ് കാരാറുകള് ഇപ്പോള് തന്നെ കിട്ടാത്തത്. ഈ തക്കം നോക്കി പല തരികിട കമ്പനികളും ഉയര്ന്നുവന്നേക്കുമെന്നും കമ്മത്ത് പറഞ്ഞു.
അമേരിക്കയിലെ സാമ്പത്തിക സ്ഥാപനങ്ങളില് നിന്നും കരാറുകള് ഉണ്ടായേക്കും.