ശബരിമല ഉത്സവകാലത്തില്‍ മാറ്റം വരുത്തും

ശബരിമല: ശബരിമല ഉത്സവം മണ്ഡല-മകരവിളക്ക് കാലത്തു നിന്നു മാറ്റും. ഉത്സവം മണ്ഡല-മകരവിളക്ക് കാലത്തു നിന്ന് മാറ്റണമെന്ന് ദേവപ്രശ്നത്തില്‍ തെളിഞ്ഞതിനെ തുടര്‍ന്നാണിത്.

അടുത്ത വര്‍ഷം മുതല്‍ ഉത്സവം മറ്റേതെങ്കിലും സമയത്തായിരിക്കും നടത്തുകയെന്ന് ദേവസ്വം ബോര്‍ഡ് പ്രസിഡന്റ് ഡോ. എന്‍. ബാബു അറിയിച്ചു. ദേവപ്രശ്നത്തെ തുടര്‍ന്നുള്ള പരിഹാര ക്രിയകള്‍ നടന്നുവരികയാണ്. ഇത് പൂര്‍ത്തിയായതിനു ശേഷം അടുത്ത വര്‍ഷത്തോടെ ഉത്സവകാലം മാറ്റും. നേരത്തെ ശബരിമല ഉത്സവം മണ്ഡലകാലത്തിയിരുന്നില്ല നടന്നത്.

തീര്‍ഥാടകര്‍ക്കിടയില്‍ അഭിപ്രായ സര്‍വെ നടത്താനായി വനം വകുപ്പിന്റെ സഹായത്തോടെ ചോദ്യാവലി വിതരണം ചെയ്യുന്നത് തുടര്‍ന്നാല്‍ നിയമനടപടി സ്വീകരിക്കുമെന്ന് ബാബു പറഞ്ഞു.

അലഞ്ഞുതിരിയുന്ന കഴുതകളെ ത്രിവേണി സംഗമത്തിലെ പാര്‍ക്കിങ്ങ് സ്ഥലത്തേക്ക് മാറ്റും. ലൈസന്‍സില്ലാത്ത കഴുതകളെ ഒഴിവാക്കുമെന്നും ബാബു വ്യക്തമാക്കി.