മന്ത്രി ശങ്കരനെതിരെ അവകാശലംഘന നോട്ടീസ്

തിരുവനന്തപുരം: ആര്‍സിസിയിലെ മരുന്ന് വിവാദത്തെ പറ്റി നിയമസഭയില്‍ പരസ്പരവിരുദ്ധമായ പ്രസ്താവനകള്‍ നടത്തിയ ആരോഗ്യമന്ത്രി പി. ശങ്കരനെതിരെ പ്രതിപക്ഷം നവംബര്‍ 29 വ്യാഴാഴ്ച അവകാശ ലംഘനത്തിന് നോട്ടീസ് നല്‍കി.

നേരത്തെ ആര്‍സിസി വിവാദത്തെ പറ്റി അന്വേഷിച്ച കമ്മിഷന്റെ റിപ്പോര്‍ട്ടനുസരിച്ച് കുറ്റക്കാരായവര്‍ക്കെതിരെ നടപടി സ്വീകരിക്കുമെന്ന് ശങ്കരന്‍ നിയമസഭയില്‍ പറഞ്ഞിരുന്നു. എന്നാല്‍ ചില അംഗങ്ങളുടെ ചോദ്യത്തിന് രേഖാമൂലം നല്‍കിയ മറുപടിയില്‍ മരുന്ന് പരീക്ഷണം ആര്‍സിസിസിയിലെ എത്തിക്സ് കമ്മിറ്റിയുടെയും മരുന്ന് പരീക്ഷിക്കപ്പെട്ട രോഗികളുടെയും സമ്മതത്തോടെയായിരുന്നുവെന്നാണ് മന്ത്രി അറിയിച്ചത്.

മന്ത്രിയുടെ ഈ പരസ്പരവിരുദ്ധമായ പ്രസ്താവനകളുടെ അടിസ്ഥാനത്തിലാണ് അവകാശ ലംഘനത്തിന് നോട്ടീസ് നല്‍കിയത്.

മരുന്നു പരിശോധനയ്ക് വിധേയരരായവരില്‍ എത്രപേര്‍ ഇപ്പോള്‍ ജീവിച്ചിരുപ്പുണ്ടെന്ന ചോദ്യത്തിന് മന്ത്രിക്ക് വ്യക്തമായ ഉത്തരം നല്‍കാനായില്ല. അത്യാസന്നനിലയിലായിരുന്ന രോഗികളിലാണ് മരുന്ന് പരീക്ഷണം നടത്തിയതെന്നായിരുന്നു ഈ ചോദ്യത്തിനുളള മറുപടി.