ഗോപാല് മുന്കൂര് ജാമ്യാപേക്ഷ നല്കി
ചെന്നൈ: നക്കീരന് എഡിറ്റര് ആര്. കെ. ഗോപാല് മദ്രാസ് ഹൈക്കോടതിയില് നവംബര് 29 വ്യാഴാഴ്ച മുന്കൂര് ജാമ്യാപേക്ഷ നല്കി.
തനിക്കിക്കതിരെ കുറ്റകരമായ ഗൂഢാലോചനക്കും തട്ടികൊണ്ടുപോവലിനും തമിഴ്നാട് പൊലീസ് കേസ് ഫയല് ചെയ്തിട്ടുണ്ടെന്ന് അറിവായിട്ടുണ്ടെന്ന് ജാമ്യാപേക്ഷയില് ഗോപാല് പറഞ്ഞു. പൊലീസ് അറസ്റ് ചെയ്യുകയാണെങ്കില് തന്നെ പീഡിപ്പിക്കുമെന്ന് ഭയക്കുന്നതായും അതിനാല് മുന്കൂര് ജാമ്യം അനുവദിക്കണമെന്നും ഗോപാല് അപേക്ഷയില് വ്യക്തമാക്കി.
നക്കീരന് റിപ്പോര്ട്ടര് ശിവസുബ്രഹ്മണ്യത്തെ നവംബര് 20ന് കര്ണാടക പൊലീസ് അറസ്റ് ചെയ്ത് ജുഡീഷ്യല് കസ്റഡിയില് റിമാന്റ് ചെയ്തിരുന്നു.
രാജ്കുമാറിനെ മോചിപ്പിക്കാനായി വീരപ്പനുമായി ചര്ച്ച നടത്താനായി ദൂതനെന്ന നിലയിലാണ് താന് കാട്ടിലേക്ക് പോയതെന്നും തമിഴ് ദേശീയ മുന്നണി നേതാവ് പി. നെടുമാരനും രാജ്കുമാറിനെ മോചിപ്പിക്കുന്നതിന് മുന്കൈയെടുത്തിരുന്നുവെന്നും ഗോപാല് ചൂണ്ടിക്കാട്ടി.